Özbekstan eks-prezidenti Islam Kärimov. Foto: asiaplus.tj

Özbekstan prem'er-ministri Abdulla Aripov eks-prezident Islam Kärimovtıñ sayasatın sınğa aldı.

Jeltoqsan ayınıñ 22-i küni Taşkent qalasında ötken äyelder komitetiniñ jıldıq qorıtındı otırısında Abdulla Aripov şetelde jwmıs istep jürgen migranttarğa qatıstı mälimdeme jasağan.

«Özge elge jwmıs izdep barudıñ qajeti qanşa? Sebebi biz osı jerde jwmıs isteuge jağday jasamadıq. Bizdiñ osı uaqıtqa deyin jasağanımız «şetelge barıp jwmıs istegen adam - jalqau» degen tüsinik qalıptastıru boldı. Olay bolatın bolsa, osı jerdegi «jalqau emesterge» jwmıs tauıp ber» - dedi Aripov.

Esteriñizge salayıq, 2013 jılı Özbekstannıñ eks-prezidenti Islam Kärimov Jizaq oblısına jasağan saparında şetelge jwmıs isteuge ketken özbekstandıqtardı «jalqaular» dep atap, özbek wltınıñ abıroyın tömendetip jürgen migranttar dep mälimdegen.

Islam Kärimovtıñ twsında Özbekstan ükimeti jıl sayın Respublika boyınşa 1 millionnan astam jaña jwmıs ornı aşıldı degen statistikalıq mälimet taratatın.

"The Qazaq Times"