Foto: naked-science

Ğalımdardıñ aytuınşa, wyqı rejimi dwrıs emes sot töreşileri öte qatañ şeşim şığarıp, qılmıskerdiñ qılmısına säykes jazanıñ eñ auır türin qabıldauı mümkin. Bwl turalı naked-science tilşileri habarlaydı.

Köp jağdayda, qılmıs türlerine baylanıstı qoldanılatın jazanıñ türleri wsınıladı. Al şeşim şığaru (ayıppwl mölşeri, türmege otıru uaqıtı, bas bostandığınan ayıru-ayırmau, t.b.) sot töreşileriniñ enşisindegi mäsele.

Qabıldanğan şeşim köpşiliktiñ jäne BAQ ökilderiniñ nazarınan tıs qalması anıq. Uaşington universitetindegi bir top amerikalıq ğalımdar arnayı zertteu jürgizdi. Olar wyqısı qanbaytın nemese wyqısızdıqpen qinalatın sot töreşilerine basa nazar salğan. Bwl jwmıstarına eşqanday artıq manipulyaciyanıñ da qajeti bolmay şıqtı. Ğalımdar kädimgi sot procesine qatısa otırıp analiz jasağan. Olar: «Nätije biz kütkendey boldı. Wyqısı qanbay jürgen sot töreşileri özgelermen salıstırğanda (5 payızğa) öte auır jaza qoldandı», – deydi. Bes payız degenimiz bireulerge az ğana mölşer bolıp köringenimen, bireuler üşin bwl bostandıqta ne temir tordıñ arğı betinde otıratın altın uaqıt.

«The Qazaq Times»