Guterriş klimat özgerisiniñ tezdep jatqanın ayttı. Foto: The Irish Times.

Pol'şanıñ Katoviçe qalasında ötkizilgen halıqaralıq Konferenciya klimattıñ özgerisin bastı taqırıp etti. Jinalıstı BWW bas hatşısı Antoniu Guterriş pen Pol'şa prezidenti Andjey Dudan bastap aştı. Konferenciya qatısuşıları qazir älem elderi klimattıñ özgerisine qarsı jasap jatqan şaralarınıñ köñil könşitpeytinin ayttı.

BWW bas hatşısı sözinde: «Jer şarınıñ klimatı tım jıldam qarqında özgerip jatır, al biz oğan qarsı bayau äreket etudemiz. Bwnıñ soñı klimat apatına alıp barmay twrğanda, adamzattıñ ortaq üyin qorğau kezek küttirmeydi», – dedi.

Qazirgi klimat özgeristeriniñ tezdigine qarağanda, aldağı 30-40 jıl işinde Oñtüstik Aziya men oğan jaqın aymaqtarda adamzattıñ ömir sürui qiınğa soğadı. Atalğan öñirler älemdegi halıq sanı eñ tığız aymaqtar sanalatındıqtan, bwl jahandıq twraqsızdıqqa alıp keletin qater.

Atalğan konferenciyada klimat özgerisine tez arada şeşim tabu kerektigi aytıldı. Sonday-aq, osı saladağı zertteuşi ğalımdar jağınan wsınıstar tastaldı. Bwl wsınıstar BWW jağınan qaralıp, soñında memleketterge ortaq mindetter jüktelui mümkin.

“The Qazaq Times”