حالىقارالىق كونفەرەنتسيا كليمات وزگەرىسى تۋرالى دابىل قاقتى

پولشانىڭ كاتوۆيچە قالاسىندا وتكىزىلگەن حالىقارالىق كونفەرەنتسيا كليماتتىڭ وزگەرىسىن باستى تاقىرىپ ەتتى. جينالىستى بۇۇ باس حاتشىسى انتونيۋ گۋتەرريش پەن پولشا پرەزيدەنتى اندجەي دۋدان باستاپ اشتى. كونفەرەنتسيا قاتىسۋشىلارى قازىر الەم ەلدەرى كليماتتىڭ وزگەرىسىنە قارسى جاساپ جاتقان شارالارىنىڭ كوڭىل كونشىتپەيتىنىن ايتتى.

بۇۇ باس حاتشىسى سوزىندە: «جەر شارىنىڭ كليماتى تىم جىلدام قارقىندا وزگەرىپ جاتىر، ال ءبىز وعان قارسى باياۋ ارەكەت ەتۋدەمىز. بۇنىڭ سوڭى كليمات اپاتىنا الىپ بارماي تۇرعاندا، ادامزاتتىڭ ورتاق ءۇيىن قورعاۋ كەزەك كۇتتىرمەيدى»، – دەدى.

قازىرگى كليمات وزگەرىستەرىنىڭ تەزدىگىنە قاراعاندا، الداعى 30-40 جىل ىشىندە وڭتۇستىك ازيا مەن وعان جاقىن ايماقتاردا ادامزاتتىڭ ءومىر ءسۇرۋى قيىنعا سوعادى. اتالعان وڭىرلەر الەمدەگى حالىق سانى ەڭ تىعىز ايماقتار سانالاتىندىقتان، بۇل جاھاندىق تۇراقسىزدىققا الىپ كەلەتىن قاتەر.

اتالعان كونفەرەنتسيادا كليمات وزگەرىسىنە تەز ارادا شەشىم تابۋ كەرەكتىگى ايتىلدى. سونداي-اق، وسى سالاداعى زەرتتەۋشى عالىمدار جاعىنان ۇسىنىستار تاستالدى. بۇل ۇسىنىستار بۇۇ جاعىنان قارالىپ، سوڭىندا مەملەكەتتەرگە ورتاق مىندەتتەر جۇكتەلۋى مۇمكىن.

“The Qazaq Times”