Qazaqstan biligine mobil'di qwrılğılardı tirkeudiñ qajeti qanşa?

2019 jıldıñ 1 qañtarınan bastap Respublika boyınşa tirkeuden ötpegen wyalı telefondar men planşetter qızmet ayasınan tıs qaladı. Aqparat jäne kommunikaciya ministrliginiñ jarlığına säykes, qazaqstandıqtar 1 qañtarğa deyin wyalı telefondarınıñ IMEI-kodın JSN nemese BSN nomerine tirkeui tiis.

Aqparat jäne kommunikaciya ministri Däuren Abaevtıñ sözinşe, bwl qazaqstandıqtardıñ qauipsizdigi üşin jasalıp jatqan jwmıstar.

«IMEI-kod mobil'di qwrılğınıñ iesin anıqtauğa mümkindik bermeydi. Sebebi narıqta IMEI-kodı birdey mobil'di qwrılğılar köptep kezdesedi. Bwl mäseleden şığudıñ bir jolı IMEI-kodtı qwrılğı iesiniñ JSN nömerine nemese abonenttik nömirine tirkeu. Eger IMEI-kod tirkeletin bolsa, onda telefon wrlaudıñ eşqanday qisını bolmaydı» - dep mälimdedi Abaev mırza.

Biraq köptegen sarapşılar biliktiñ bwl bastamasınıñ tiimdi jwmıs iteui ekitalay dep esepteydi. Olardıñ sözinşe, wyalı telefondardıñ IMEI-kodın tirkeu 2014 jılı jasalğan wyalı baylanıs nömirlerin tirkeuden ötkizudiñ ayağın qwşadı.

«2014 jılğı nömir tirkeu bastaması eşqanday nätije bermedi. Şın mänisinde ol uaqıtta eşkim nömir tirkegen joq. Tekseru barısında bir adamnıñ atına birneşe nömirdiñ tirkelgeni anıqtaldı. Öz basım terrorister men ekstremister wyalı telefondarınıñ IMEI-kodın öz attarına tirkep, artınan is-äreketterin telefon arqılı talqılaydı degenge senbeymin» - deydi sayasattanuşı Islam Kuraev.

Jalpı, el arasında: «Bilik mobil'di qwrılğılardı tirkeuge qoyu arqılı halıqtı baqılauda wstamaq» - degen de pikir bar. Qoğam bolğasın san türli pikirdiñ boluı zañdılıq. Biraq biliktiñ soñğı uaqıttağı «telefon nömirin tirkeu», «tötenşe jağdaylarda ğalamtordı bwğattau»  degen siyaqtı bastamaları eriksiz joğarıda aytılğan oyğa jeteleydi.

"The Qazaq Times"