Japon sarbazdarı. Foto: inosmi.ru

QR Qorğanıs ministrliginde Qazaqstan men Japoniya arasındağı äskeri ıntımaqtastıqtı damıtu mäseleleri talqılandı. Qazaqstannıñ Qorğanıs ministrliginde QR Qorğanıs ministriniñ orınbasarı general-mayor Talğat Mwhtarov pen Japoniyanıñ Qazaqstandağı Tötenşe jäne Ökiletti elşisi Itiro Kavabatoymen kezdesu ötti. Bwl turalı vedomstvonıñ baspasöz qızmeti habarladı.

Kezdesu barısında ekijaqtı äskeri ıntımaqtastıqtıñ ağımdağı mäseleleri talqılandı. Osı kezdesudiñ ayasında köterilgen tağı bir taqırıp – Qazaqstannıñ Qorğanıs ministrligi men Japoniya arasındağı qorğanıs ıntımaqtastığı men özara is-qimıl auqımındağı Memorandumğa qol qoyu boldı. Bwl qwjattıñ jobası aldın-ala taraptarmen äzirlenip, kelisilgen bolatın.

Qazaqstan işki sayasi jäne ekonomikalıq maqsatqa süyene otırıp, memlekettiñ äskeri qauipsizdigin qamtamasız etude mindetterdi birqalıptı şeşu üşin halıqaralıq äskeri jäne äskeri-tehnikalıq ıntımaqtastıqtı belsendi damıtıp keledi. Qazirgi uaqıtta Qazaqstan men Japoniyanıñ äskeri ıntımaqtastığı damu üstinde. Äsirese, bwl äskeri medicina men bitimgerşilik dayarlıq auqımında belsendi bayqaladı. Atalğan bağıttar eki el qorğanıs vedomstvalarınıñ ıntımaqtastıqtı damıtudağı özara müddesin körsetedi.

 «The Qazaq Times»