قر قورعانىس مينيسترلىگىندە قازاقستان مەن جاپونيا اراسىنداعى اسكەري ىنتىماقتاستىقتى دامىتۋ ماسەلەلەرى تالقىلاندى. قازاقستاننىڭ قورعانىس مينيسترلىگىندە قر قورعانىس ءمينيسترىنىڭ ورىنباسارى گەنەرال-مايور تالعات مۇحتاروۆ پەن جاپونيانىڭ قازاقستانداعى توتەنشە جانە وكىلەتتى ەلشىسى يتيرو كاۆاباتويمەن كەزدەسۋ ءوتتى. بۇل تۋرالى ۆەدومستۆونىڭ ءباسپاسوز قىزمەتى حابارلادى.
كەزدەسۋ بارىسىندا ەكىجاقتى اسكەري ىنتىماقتاستىقتىڭ اعىمداعى ماسەلەلەرى تالقىلاندى. وسى كەزدەسۋدىڭ اياسىندا كوتەرىلگەن تاعى ءبىر تاقىرىپ – قازاقستاننىڭ قورعانىس مينيسترلىگى مەن جاپونيا اراسىنداعى قورعانىس ىنتىماقتاستىعى مەن ءوزارا ءىس-قيمىل اۋقىمىنداعى مەموراندۋمعا قول قويۋ بولدى. بۇل قۇجاتتىڭ جوباسى الدىن-الا تاراپتارمەن ازىرلەنىپ، كەلىسىلگەن بولاتىن.
قازاقستان ىشكى ساياسي جانە ەكونوميكالىق ماقساتقا سۇيەنە وتىرىپ، مەملەكەتتىڭ اسكەري قاۋىپسىزدىگىن قامتاماسىز ەتۋدە مىندەتتەردى بىرقالىپتى شەشۋ ءۇشىن حالىقارالىق اسكەري جانە اسكەري-تەحنيكالىق ىنتىماقتاستىقتى بەلسەندى دامىتىپ كەلەدى. قازىرگى ۋاقىتتا قازاقستان مەن جاپونيانىڭ اسكەري ىنتىماقتاستىعى دامۋ ۇستىندە. اسىرەسە، بۇل اسكەري مەديتسينا مەن بىتىمگەرشىلىك دايارلىق اۋقىمىندا بەلسەندى بايقالادى. اتالعان باعىتتار ەكى ەل قورعانىس ۆەدومستۆالارىنىڭ ىنتىماقتاستىقتى دامىتۋداعى ءوزارا مۇددەسىن كورسەتەدى.
«The Qazaq Times»
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى