foto: bilim-all.kz

Qazaqstanda wstazdar jetispeuşiligi joq. Bwl turalı Ortalıq kommunikaciya brifinginde bilim jäne ğılım vice-ministri El'mira Suhanberdieva mälimdedi.

Vice-ministr: «Qazirgi tañda aymaqtarda esepke alu jwmıstarı jürgizilude. Sonımen qatar biliktilikti arttıru jwmıstarıda jolğa qoyılğan. Sondıqtan da wstazdar turalı swraq joq desem de boladı. Büginde bizdiñ negizi swraq mul'timediyalıq qondırğılardıñ bağdarlamaları arqılı oquşılardı, wstazdardı, direktorlardı dayarlau» dep öz pikirin bildirdi.

Alayda, az aylıqpen qıruar jwmıs atqarıp jatqan wstazdardıñ şağımı är kezeñde de töbe körsetip twratındığı jasırın emes. Sebebi qağazben soğıstıñ soñına jete almay kele jatqan mwğalimderdiñ jwmısı kün sayın artpasa, azayar emes.

Dese de, osıdan biraz uaqıt bwrın prezident Nazarbaev Qazaqstan halqına joldauında wstazdardı esine alıp: «Jergilikti jerlerde mwğalimderge kez kelgen jwmıs tapsırıladı. Mwğalimder saylau ötkizedi. Nasihat jwmıstarın da wstazdar jürgizedi. Birnärse qajet bolsa, mwğalimder jiberiledi. Ol üşin olarğa eşkim aqşa tölemeydi. Bwl jwmıstardan wstazdardı bosatu kerek. Olar sabaqqa dayındalu tiis. Uaqıtında ğana jwmıs isteui qajet. Tipti olardı orınsız teksere beredi. Atalğan zañ osı üşin qajet», - dep pedagogtardıñ märtebesin köteruge qatıstı zañ qabıldau qajet dep mälimdedi.

Prezidenttiñ bwl mälimdemesinen keyin wstazdar qauımı bir serpilip qaldı. Özderiniñ bwl memleketke äli de bolsa kerek ekenin sezingen mwğalımder köñilinde senim otı twtanğanı jasırın emes. Biraq Qazaqstan täuelsizdik alğalı beri bilim salasınıñ reformadan köz aşpay kele jatqanın eskersek, olardıñ bwl senimi beker ekenin tüsinesiñ. Sebebi aldıñğı bilim ministrleri siyaqtı qazirgi Bilim jäne ğılım ministri Erlan Sağadiev te reforma jasauda aldına jan salmauda. Mwğalimderdiñ bilimi men qağazbastı jwmıs kestesin bılay qoyğanda, WBT zañdılıqtarınıñ özi osı uaqıtqa deyin san märte özgerdi. Prezidenttiñ soñğı jasağan joldauına qarap, bwl özgertuler aldağı uaqıtta toqtamaytın tärizdi. Sağadiev bastağan «reformator sañılaqtar» bilim salasına äli talay «nouhau jañalıqtar» alıp keletini belgili. «Bilim salası» dep atalatın «Sağadiev sınaq alañı» aman bolsa, wstazdar men oquşılar eş uaqıtta «reformalanudan» tıs talmaytını anıq...

"The Qazaq Times"