Körneki suret. Foto: 123ru.net

Jaña oqu jılı bastalğalı beri Qazaqstanda 241 mwğalim men 1042 oquşıdan koronavirus anıqtalğan.

Auırğandardıñ arasında 302 oquşı kezekşi sınıptarda bilim alğan. Bügin OrtKom   brifinginde densaulıq saqtau ministrliginiñ sanitarlıq-epidemiologiyalıq qadağalau komitetiniñ bastığı Ayjan Esmağambetovanıñ habarlauınşa, koronavirus jwqqan oquşı men mwğalim eldiñ barlıq aymağınan tabılğan.

«1 qırküyek pen 16 qaraşa aralığında kezekşi sınıpqa barıp jürgen 302 oquşıdan koronavirus anıqtaldı. Bir baladan virus pnevmoniyası tabıldı. Qazir 456 bala emdelip jatır. Oqu jılınıñ basınan beri mektep qızmetkerleriniñ arasında 241 jağday tirkeldi», – dedi komitet jetekşisi.

Jauaptı mamandardıñ sözine sensek, qazir är jağday boyınşa epidemiologiyalıq zertteu jürgizilip, virus jwqqan adammen baylanısta bolğandar anıqtalıp jatqan körinedi.

Pandemiya sebebinen düniejüzilik densaulıq saqtau salasında jariyalanğan tötenşe jağdaydıñ saldarınan köptegen elder siyaqtı Qazaqstanda da oquşılardıñ köbi qaşıqtan bilim alıp jatır. Derttiñ taralu qaupi tömen öñirlerde bastauış sınıptar men sıyımdılığı 300 oquşığa deyingi mektepter dästürli formatta oqıta bastağan.

"The Qazaq Times"