Foto: QT

Bügin Almatı qalasında «Adırna» wlttıq-etnografiyalıq birlestigi «Otan ottan da ıstıq» jobasın qorıtındılau maqsatında «Är qazaq-meniñ jalğızım» attı döñgelek üstel otırısın ötkizdi.

Jiınğa «Adırna» birlestiginiñ basşısı Arman Äubäkir, «Otan ottan da ıstıq» jobasınıñ jetekşisi Qwrmetolla Mwhamethanwlı, Almatı qalası memlekettik eñbek inspekciyası jäne köşi-qon basqarmasınıñ köşi-qon böliminiñ basşısı Külbaram Ğalieva jäne Almatı qalası işki sayasat basqarmasınıñ bas mamanı Äbdiqadirova Aqerke qatıstı. Döñgelek üstel barısında Almatı qalası men oblısındağı köşi-qon mäseleleri, arğı betten kelgen qandastardıñ qwjattıq problemaların şeşu joldarı talqılandı. Basqosuda Gülbaram Temeşqızı soñğı uaqıttarı qandastar arasında ülken problemağa aynalğan ıqtiyarhat pen azamattıq alu, twrğılıqtı tirkeuge twru siyaqtı birqatar mäselelerge baylanıstı swraqtarğa jauap berdi.

Bwdan bölek döñgelek üstel barısında «Adırna» birlestigi ökilderi aldağı uaqıtta sırtqı ister ministrligi men parlamentke qandastar mäselesine qatıstı qorıtındı wsınıs jasaytının mälimdedi.

"The Qazaq Times"