فوتو: QT

بۇگىن الماتى قالاسىندا «ادىرنا» ۇلتتىق-ەتنوگرافيالىق بىرلەستىگى «وتان وتتان دا ىستىق» جوباسىن قورىتىندىلاۋ ماقساتىندا «ءار قازاق-مەنىڭ جالعىزىم» اتتى دوڭگەلەك ۇستەل وتىرىسىن وتكىزدى.

جيىنعا «ادىرنا» بىرلەستىگىنىڭ باسشىسى ارمان اۋباكىر، «وتان وتتان دا ىستىق» جوباسىنىڭ جەتەكشىسى قۇرمەتوللا مۇحامەتحانۇلى، الماتى قالاسى مەملەكەتتىك ەڭبەك ينسپەكتسياسى جانە كوشى-قون باسقارماسىنىڭ كوشى-قون ءبولىمىنىڭ باسشىسى كۇلبارام عاليەۆا جانە الماتى قالاسى ىشكى ساياسات باسقارماسىنىڭ باس مامانى ابدىقادىروۆا اقەركە قاتىستى. دوڭگەلەك ۇستەل بارىسىندا الماتى قالاسى مەن وبلىسىنداعى كوشى-قون ماسەلەلەرى، ارعى بەتتەن كەلگەن قانداستاردىڭ قۇجاتتىق پروبلەمالارىن شەشۋ جولدارى تالقىلاندى. باسقوسۋدا گۇلبارام تەمەشقىزى سوڭعى ۋاقىتتارى قانداستار اراسىندا ۇلكەن پروبلەماعا اينالعان ىقتيارحات پەن ازاماتتىق الۋ، تۇرعىلىقتى تىركەۋگە تۇرۋ سياقتى بىرقاتار ماسەلەلەرگە بايلانىستى سۇراقتارعا جاۋاپ بەردى.

بۇدان بولەك دوڭگەلەك ۇستەل بارىسىندا «ادىرنا» بىرلەستىگى وكىلدەرى الداعى ۋاقىتتا سىرتقى ىستەر مينيسترلىگى مەن پارلامەنتكە قانداستار ماسەلەسىنە قاتىستى قورىتىندى ۇسىنىس جاسايتىنىن مالىمدەدى.

"The Qazaq Times"