Foto: www.mfa.kz

Qazaqstan men Qıtay Şıñjañdağı etnikalıq qazaqstar mäselesin birlesip şeşuge uağdalastı.

Qaraşa ayınıñ 9-ı küni SİM Qayrat Äbdirahmanov  Qıtaydıñ Qazaqstandağı elşisi Çjan Syaonı qabıldadı. Kezdesu barısında qos tarap ekijaqtıq qarım-qatınas, strategiyalıq äriptestik, sauda-ekonomikalıq baylanıs jöninde pikir almastı.

Bwdan bölek taraptar QHR-dağı qazaq diasporasınıñ Qazaqstan men Qıtay arasındağı «dostıq köpir» ekendigin atap ötti jäne Şıñjañ audanındağı etnikalıq qazaqtardıñ qwqıqtarı men müddelerin qorğauğa baylanıstı mäseleler özara senimdilik, tatu körşilik, qwrmetteu qağidattarı negizinde oñ şeşiletin boladı degen uağdalastıqqa qol jetkizildi.

Soñğı jıldarı Qıtaydağı etnikalıq qazaqatar jergilikti bilik tarapınan qısım körude. Osığan deyin BAQ betterinde «arğı bettegi qazaqtardıñ sayasi üyrenu lagerlerine küştep jiberilip jatqandığı» jöninde aqparattar tarağan. Bwdan bölek Qıtayda qısım körip jatqan qazaqtardıñ Qazaqstandağı tuıstarı atalmış mäselege baylanıstı birneşe ret baspasöz mäslihatın ötkizip, bilikten «Qıtaydağı qazaq» mäselesine aralasuın swrağan.

"The Qazaq Times"