فوتو: www.mfa.kz

قازاقستان مەن قىتاي شىڭجاڭداعى ەتنيكالىق قازاقستار ماسەلەسىن بىرلەسىپ شەشۋگە ۋاعدالاستى.

قاراشا ايىنىڭ 9-ى كۇنى ءسىم قايرات ءابدىراحمانوۆ  قىتايدىڭ قازاقستانداعى ەلشىسى چجان سياونى قابىلدادى. كەزدەسۋ بارىسىندا قوس تاراپ ەكىجاقتىق قارىم-قاتىناس، ستراتەگيالىق ارىپتەستىك، ساۋدا-ەكونوميكالىق بايلانىس جونىندە پىكىر الماستى.

بۇدان بولەك تاراپتار قحر-داعى قازاق دياسپوراسىنىڭ قازاقستان مەن قىتاي اراسىنداعى «دوستىق كوپىر» ەكەندىگىن اتاپ ءوتتى جانە شىڭجاڭ اۋدانىنداعى ەتنيكالىق قازاقتاردىڭ قۇقىقتارى مەن مۇددەلەرىن قورعاۋعا بايلانىستى ماسەلەلەر ءوزارا سەنىمدىلىك، تاتۋ كورشىلىك، قۇرمەتتەۋ قاعيداتتارى نەگىزىندە وڭ شەشىلەتىن بولادى دەگەن ۋاعدالاستىققا قول جەتكىزىلدى.

سوڭعى جىلدارى قىتايداعى ەتنيكالىق قازاقاتار جەرگىلىكتى بيلىك تاراپىنان قىسىم كورۋدە. وسىعان دەيىن باق بەتتەرىندە «ارعى بەتتەگى قازاقتاردىڭ ساياسي ۇيرەنۋ لاگەرلەرىنە كۇشتەپ جىبەرىلىپ جاتقاندىعى» جونىندە اقپاراتتار تاراعان. بۇدان بولەك قىتايدا قىسىم كورىپ جاتقان قازاقتاردىڭ قازاقستانداعى تۋىستارى اتالمىش ماسەلەگە بايلانىستى بىرنەشە رەت ءباسپاسوز ءماسليحاتىن وتكىزىپ، بيلىكتەن «قىتايداعى قازاق» ماسەلەسىنە ارالاسۋىن سۇراعان.

"The Qazaq Times"