Mäskeudiñ Europa Keñesinen şığuı qarapayım reseylikterge ziyanın tigizedi.

Europa Keñesiniñ törağası Turb'ern YAgland Finlyandiyağa jasağan saparında: «Reseydiñ Europalıq Keñesten şığuı birinşi kezekte qarapayım reseylikterge ziyanın tigizedi. Europalıq Keñesten şığu bwl Europanıñ adam qwqıqtarı jönindegi sotın jäne zañdarın moyındamauğa alıp keledi. Biz Brexit-ke qosa Ruxit problemalarına tap bolamız. Bwl öz kezeginde Resey men Europadağı adam qwqığı mäselelerin qiındatadı» - dep mälimdedi.

Bwğan deyin Resey Federaldı Keñesiniñ törağası Valentina Matvienko «Europalıq Keñes özine müşe 47 memlekettiñ barlığına teñ qwqıq berui tiis. Öytpegen jağdayda Resey Keñesten şığadı» - degen.

Resey Qırımdı anneksiyalağanan keyin Europalıq Keñes parlamenttik assambleyası resmi Mäskeudiñ wyımdağı qwzıretine şekteu qoyğan. Keyinnen Resey biligi Europalıq Keñes otırısına qatısudan bas tartqan. 2019 jıldıñ mausım ayına deyin resmi Mäskeu wyımda qalatının nemese şığatının naqtı aytuı tiis.

"The Qazaq Times"