ماسكەۋدىڭ ەۋروپا كەڭەسىنەن شىعۋى قاراپايىم رەسەيلىكتەرگە زيانىن تيگىزەدى.

ەۋروپا كەڭەسىنىڭ توراعاسى تۋربەرن ياگلاند فينلياندياعا جاساعان ساپارىندا: «رەسەيدىڭ ەۋروپالىق كەڭەستەن شىعۋى ءبىرىنشى كەزەكتە قاراپايىم رەسەيلىكتەرگە زيانىن تيگىزەدى. ەۋروپالىق كەڭەستەن شىعۋ بۇل ەۋروپانىڭ ادام قۇقىقتارى جونىندەگى سوتىن جانە زاڭدارىن مويىنداماۋعا الىپ كەلەدى. ءبىز Brexit-كە قوسا Ruxit پروبلەمالارىنا تاپ بولامىز. بۇل ءوز كەزەگىندە رەسەي مەن ەۋروپاداعى ادام قۇقىعى ماسەلەلەرىن قيىنداتادى» - دەپ مالىمدەدى.

بۇعان دەيىن رەسەي فەدەرالدى كەڭەسىنىڭ توراعاسى ۆالەنتينا ماتۆيەنكو «ەۋروپالىق كەڭەس وزىنە مۇشە 47 مەملەكەتتىڭ بارلىعىنا تەڭ قۇقىق بەرۋى ءتيىس. ويتپەگەن جاعدايدا رەسەي كەڭەستەن شىعادى» - دەگەن.

رەسەي قىرىمدى اننەكسيالاعانان كەيىن ەۋروپالىق كەڭەس پارلامەنتتىك اسسامبلەياسى رەسمي ماسكەۋدىڭ ۇيىمداعى قۇزىرەتىنە شەكتەۋ قويعان. كەيىننەن رەسەي بيلىگى ەۋروپالىق كەڭەس وتىرىسىنا قاتىسۋدان باس تارتقان. 2019 جىلدىڭ ماۋسىم ايىنا دەيىن رەسمي ماسكەۋ ۇيىمدا قالاتىنىن نەمەسە شىعاتىنىن ناقتى ايتۋى ءتيىس.

"The Qazaq Times"