Resey Memlekettik Dumasınıñ deputatı Vladimir Jirinovskiy: «Almatı Reseydiñ Ortalıq Aziya federaldı okrugınıñ astanası boluı tiis» - dep mälimdedi.

1 qaraşa küni Täjikstanğa resmi issaparmen barğan Reseydiñ Liberaldı-demokratiyalıq partiyasınıñ (LDPR) lideri Vladimir Jirinovskiy

tayau uaqıtta «LDPR» dumağa "Resey aumağında Täjikstan azamattarınıñ erekşe märtebesi jönindegi" zañ jobasın wsınatının mälimdedi. Onıñ sözinşe, Täjikstanda jwmıs küşi köp, al Reseyde aqşa köp, eki el osı mümkindikterdi tiimdi paydalanu kerek.

"Biz Duşanbede bolaşaq eñbek migranttarına arnalğan arnayı mektep saludı şeştik. Bwl mektepte täjik jastarı orıs tilin jäne arnayı mamandıqtardı oqitın boladı. Keyin kez kelgen jwmısqa ornalasa aladı", - dedi Jirinovskiy.

Resey sayasatkeri äli de Reseydiñ Ortalıq Aziya federaldı okrugı qwrılu kerek dep esepteydi. Onıñ astanası - Almatı bolu kerek deydi. Oğan Ortalıq Aziya elderi erikti türde qosılu kerek dep sanaydı. "Qıtaymen, Europalıq odaqpen, Reseymen körşi memleketter üşin, olarmen bäsekelesu üşin, mwnday qwrılım qwru mañızdı", - deydi sayasatker.

Jalpı, Vladimir Jirinovskiy bwğan deyin birşeşe ret Qazaqstannıñ soltüstik oblıstarın Resey qosu kerek, Ortalıq Aziya elderi Resey imperiyasınıñ sateliti boluı tiis degen siyaqı mälimdemeler jasağan. Qazaqstandıq azamattıq belsendiler el biliginen Jirinovskiy siyaqtı adamdarğa Qazaqstanğa kiruge tıyım saludı swrağan. Biraq resmi Aqorda olardıñ bwnday talabına eşqanday jauap qatpağan.

"The Qazaq Times"