![](https://qazaqtimes.com/kk/content/uploads/2018/11/B6B2A362-8004-42AB-8C38-2043DD9D9997_w1023_r1_s-800x480.jpg?token=b68211fffa82d691a77c8c7c13f3243a)
رەسەي مەملەكەتتىك دۋماسىنىڭ دەپۋتاتى ۆلاديمير جيرينوۆسكي: «الماتى رەسەيدىڭ ورتالىق ازيا فەدەرالدى وكرۋگىنىڭ استاناسى بولۋى ءتيىس» - دەپ مالىمدەدى.
1 قاراشا كۇنى تاجىكستانعا رەسمي ىسساپارمەن بارعان رەسەيدىڭ ليبەرالدى-دەموكراتيالىق پارتياسىنىڭ (لدپر) ليدەرى ۆلاديمير جيرينوۆسكي
تاياۋ ۋاقىتتا «لدپر» دۋماعا "رەسەي اۋماعىندا تاجىكستان ازاماتتارىنىڭ ەرەكشە مارتەبەسى جونىندەگى" زاڭ جوباسىن ۇسىناتىنىن مالىمدەدى. ونىڭ سوزىنشە، تاجىكستاندا جۇمىس كۇشى كوپ، ال رەسەيدە اقشا كوپ، ەكى ەل وسى مۇمكىندىكتەردى ءتيىمدى پايدالانۋ كەرەك.
ء"بىز دۋشانبەدە بولاشاق ەڭبەك ميگرانتتارىنا ارنالعان ارنايى مەكتەپ سالۋدى شەشتىك. بۇل مەكتەپتە تاجىك جاستارى ورىس ءتىلىن جانە ارنايى ماماندىقتاردى وقيتىن بولادى. كەيىن كەز كەلگەن جۇمىسقا ورنالاسا الادى", - دەدى جيرينوۆسكي.
رەسەي ساياساتكەرى ءالى دە رەسەيدىڭ ورتالىق ازيا فەدەرالدى وكرۋگى قۇرىلۋ كەرەك دەپ ەسەپتەيدى. ونىڭ استاناسى - الماتى بولۋ كەرەك دەيدى. وعان ورتالىق ازيا ەلدەرى ەرىكتى تۇردە قوسىلۋ كەرەك دەپ سانايدى. "قىتايمەن، ەۋروپالىق وداقپەن، رەسەيمەن كورشى مەملەكەتتەر ءۇشىن، ولارمەن باسەكەلەسۋ ءۇشىن، مۇنداي قۇرىلىم قۇرۋ ماڭىزدى", - دەيدى ساياساتكەر.
جالپى، ۆلاديمير جيرينوۆسكي بۇعان دەيىن بىرشەشە رەت قازاقستاننىڭ سولتۇستىك وبلىستارىن رەسەي قوسۋ كەرەك، ورتالىق ازيا ەلدەرى رەسەي يمپەرياسىنىڭ ساتەليتى بولۋى ءتيىس دەگەن سياقى مالىمدەمەلەر جاساعان. قازاقستاندىق ازاماتتىق بەلسەندىلەر ەل بيلىگىنەن جيرينوۆسكي سياقتى ادامدارعا قازاقستانعا كىرۋگە تىيىم سالۋدى سۇراعان. بىراق رەسمي اقوردا ولاردىڭ بۇنداي تالابىنا ەشقانداي جاۋاپ قاتپاعان.