Astana men Mäskeu qarım-qatınası kün ötken sayın uşığuda

Resmi Astana men Mäskeu qarım-qatınası kün ötken sayın uşığuda.

Qaraşa ayınıñ 1-i küni Qazaqstan prem'er-ministri Baqıtjan Sağıntaev pen Resey ükimet basşısı Dmitriy Medvedev ekijaqtıq qarım-qatınastı odan arı damıtuğa baylanıstı kelissözder jürgizedi jäne 9 qaraşa küni ötetin Nwrswltan Nazarbaev pen Vladimir Putinniñ kezdesuiniñ alğışarttarın dayındaydı.

Nazarbaev pen Putin 9 qaraşa küni Petropavl qalasında şekaraaralıq ıntımaqtastıq forumı ayasında kezdesu ötkizedi dep kütilude. Sarapşılar pikirinşe, bwl jolğı kezdesude qos tarap Reseydiñ Euraziyalıq ekonomikalıq odaqqa müşe elderdi AQŞ sankciyasına qarsı birlesip küresu jönindegi bastamasın talqılauı mümkin.

Jalpı, soñğı uaqttarı resmi Mäskeu öziniñ Euraziyalıq ekonomikalıq odaq ayasındağı äriptesterin birlesip AQŞ-qa qarsı kontrsankciya saluğa jii şaqıruda. Reseydiñ bwl bastaması Amerika ekonmikasımen salıstırğanda «balanıñ oyınşığınday» bolıp qalatın Qazaqstan, Qırğızstan, Armeniya jäne Belarus'ke tiimsiz ekeni aytpasa da tüsinikti. Onıñ üstine Reseydiñ bwl bastaması Qazaqstannıñ wzaq jıldar boyı wstanıp kele jatqan köp vektorlı sayasatına da kereğar. Dese de, resmi Mäskeu öziniñ AQŞ-pen aradağı sauda soğısına Euraziyalıq ekonomikalıq odaqtağı äriptesterin tartuın toqtatar emes.

Sayasattanuşı, Dosım Sätbaevtıñ pikirinşe, eger resmi Astana Mäskeu bastamasın qoldaytın bolsa, onda ol bolaşaqta Qazaqstan ekonomikasına ülken problemalar alıp kelui mümkin.

«Reseymen salıstırğanda Qazaqstannıñ sırtqı sayasatı diplomatiyalıq twrğıdan ğana emes, ekonomikalıq twrğıdan da köp vektorlı. Qazir Reseydiñ AQŞ pen Euroodaqtıñ birqatar elderimen sauda soğısın jürgizip jatqanı belgili. Biraq Qazaqstannıñ birinşi kezektegi sauda seriktesteri Resey nemese Qıtay emes, däl osı Euroodaq elderi. Astanağa bwl mäselege aralasu tiimsiz» - dep esepteydi Dosım Sätbaev.

Halıqaralıq sarapşılardıñ sözinşe, Reseydiñ soñğı uaqıttarı Qazaqstan tauarların öz aumağına ötkizbey qoyuı däl osı AQŞ-qa salınuı tiis kontrsankciya töñireginde bolıp jatqan sayasi oyındardıñ bir böligi. Resmi Mäskeu öziniñ osı is-äreketi arqılı Astanağa qısım körsetkisi keledi. Biraq osı uaqıtqa deyin Qazaqstan biligi Reseydiñ bwl äreketine qanday da bir jauap qatpağan jäne Mäskeu bastamasın qoldauğa eşqanday niet bildirmegen.

"The Qazaq Times"