Photo: Fergana

Euroodaq Türkimenstan gazın satıp aluğa müddeli.

Jaqında vice-prem'er M. Meredov bastağan Tükimenstan delegaciyası Bryussel'ge resmi issaparmen bardı. Onda olar Eurokomissiya törağasınıñ energetika mäseleleri boyınşa orınbasarı Maroş Şevçoviçpen kezdesu ötkizdi. Kezdesu barısında qos tarap Europa men Türkimenstandı baylanıstıratın Transkaspiy gaz qwbırı jobasın, Kaspiydi damıtu korporaciyasınıñ jwmısın odan arı damıtu jöninde kelissözder jürgizdi.

Resmi Aşhabad taratqan aqparat boyınşa, Euroodaq ökilderi Türkimenstan gazın satıp aluğa müddeli jäne Transkaspiy jobasına investiciya tartuğa dayın.

Wzaq jıldardan beri dau tuğızıp kelgen Türkimenstannıñ Transkaspiy jobası biıl Aqtau qalasında ötken Kaspiy jağalauı elderiniñ sammitinde şeşimin tapqan. Kaspiy teñizine erekşe qwqıqtıq märtebe beretin Konvenciyanıñ qabıldanuı resmi Aşhabadtıñ Europağa gaz tasımaldauına mümkindik bergen.

Transkapiy jobası boyınşa, Türkimenstan 30 jıl boyı jılına 30 milliard kubmetr gaz tasımaldaydı. Bwl Aşhabad üşin ülken ekonomikalıq joba.

Osı uaqıtqa deyin Europa narığın "aşsa alaqanında, jwmıs jwdırığında" wstap kelgen Reseyge Türkimenstan qanşalıqtı bäsekeles boladı ol jağı äzirge belgisiz. Biraq qazirdiñ özinde halıqaralıq sarapşılar türkimen gazınıñ Europada ülken swranısqa ie bolatının jäne Euroodaq elderiniñ Reseydiñ gaz ıqpalınan şığu üşin Aşhabadtıñ demokratiyalıq qwndılıqtarğa say kelmeytin birqatar äreketterine köz jwma qaraytının tilge tiek etude. Bir sözben aytqanda eger Transkaspiy jobası iske qosılatın bolsa, onda el prezidenti Qwrbanğwlı Berdimwhamedov pen onıñ jaqtastarı tabiği gazdıñ arqasında kem degende "30 jıl alañsız ömir süredi".

"The Qazaq Times"