Parlament Mäjilisiniñ deputattarı «2018-2020 jıldarğa arnalğan memlekettik byudjet» zañ jobasına engizilgen özgertuler men tolıqtırulardı maqwldadı.

Zañ jobasına säykes, 2018 jılğı respublikalıq byudjet şığını 26,3 milliard dollardı qwradı. Byudjenttiñ negizgi şığındarı jañadan qwrılğan Türkistan oblısı men Şımkent qalasın damıtuğa, «Almatı-Qorğas» bağıtındağı «Nwr Jolı» ötkizu beketi men «Batıs Europa – Batıs Qıtay» tas jolınıñ jwmısın jaqsartuğa bağıttalğan.

Bwdan bölek 26,3 milliard dollar qarjınıñ bir böligi auıldı jerlerge auızsu tartuğa, bilim oşaqtarın saluğa, infroqwrılım jüyelerin jañalauğa jäne gazben qamtamasız etuge jwmsaladı dep josparlanuda.

Mäjilis spikeri Nwrlan Nığmatulinnıñ sözinşe, byudjetten Türkistan oblısı men Şımkent qalasın damıtuğa 30 milliard teñge (81,7 mln dollar), käsipkerlerdi qoldau jol kartası bağdarlamasına 5,6 milliard teñge (15,5 mln dollar), agroönerkäsiptik keşenderdi damıtuğa 19 milliard teñge (51,8 mln dollar) jäne twrğın üy salasına 15 milliard teñge (40,9 mln dollar) bölu qarastırılğan.

Esteriñizge salayıq, bwğan deyin prem'er-ministr Baqıtjan Sağıntaev ministrler men oblıs äkimderine byudjet qarjısın uaqıtılı igeruge tapsırma berip, öytpegen jağdayda qarjını keri qaytarıp alatındıqtarın aytqan.

"The Qazaq Times"