پارلامەنت ءماجىلىسىنىڭ دەپۋتاتتارى «2018-2020 جىلدارعا ارنالعان مەملەكەتتىك بيۋدجەت» زاڭ جوباسىنا ەنگىزىلگەن وزگەرتۋلەر مەن تولىقتىرۋلاردى ماقۇلدادى.

زاڭ جوباسىنا سايكەس، 2018 جىلعى رەسپۋبليكالىق بيۋدجەت شىعىنى 26,3 ميلليارد دوللاردى قۇرادى. بيۋدجەنتتىڭ نەگىزگى شىعىندارى جاڭادان قۇرىلعان تۇركىستان وبلىسى مەن شىمكەنت قالاسىن دامىتۋعا، «الماتى-قورعاس» باعىتىنداعى «نۇر جولى» وتكىزۋ بەكەتى مەن «باتىس ەۋروپا – باتىس قىتاي» تاس جولىنىڭ جۇمىسىن جاقسارتۋعا باعىتتالعان.

بۇدان بولەك 26,3 ميلليارد دوللار قارجىنىڭ ءبىر بولىگى اۋىلدى جەرلەرگە اۋىزسۋ تارتۋعا، ءبىلىم وشاقتارىن سالۋعا، ينفروقۇرىلىم جۇيەلەرىن جاڭالاۋعا جانە گازبەن قامتاماسىز ەتۋگە جۇمسالادى دەپ جوسپارلانۋدا.

ءماجىلىس سپيكەرى نۇرلان نىعماتۋليننىڭ سوزىنشە، بيۋدجەتتەن تۇركىستان وبلىسى مەن شىمكەنت قالاسىن دامىتۋعا 30 ميلليارد تەڭگە (81,7 ملن دوللار), كاسىپكەرلەردى قولداۋ جول كارتاسى باعدارلاماسىنا 5,6 ميلليارد تەڭگە (15,5 ملن دوللار), اگروونەركاسىپتىك كەشەندەردى دامىتۋعا 19 ميلليارد تەڭگە (51,8 ملن دوللار) جانە تۇرعىن ءۇي سالاسىنا 15 ميلليارد تەڭگە (40,9 ملن دوللار) ءبولۋ قاراستىرىلعان.

ەستەرىڭىزگە سالايىق، بۇعان دەيىن پرەمەر-مينيستر باقىتجان ساعىنتاەۆ مينيسترلەر مەن وبلىس اكىمدەرىنە بيۋدجەت قارجىسىن ۋاقىتىلى يگەرۋگە تاپسىرما بەرىپ، ويتپەگەن جاعدايدا قارجىنى كەرى قايتارىپ الاتىندىقتارىن ايتقان.

"The Qazaq Times"