World Press Photo konkursınıñ jeñimpazı Burhan Ozbilici fotograftıñ sureti, The Associated Press/Handout via REUTERS

Associated Press (AP) agenttiginiñ fotojurnalisi Burhan Ozbiliji Reseydiñ Türkiyadağı elşisi Andrey Karlovtıñ Ankaradağı ölimi körsetilgen sureti üşin World Press Photo sıylığına ie boldı. Bwl turalı RFI agenttigi habarlaydı.

Surettegi reseylik elşini mert qılğan, türik policiya qızmetkeri – Mevlyut Altınşaştıñ bir qolında mıltıq jäne bir qolın Andrey Karlovtıñ öli denesiniñ janında köterip twr.  Bedeldi fotobayqaudağı  qazılar alqası türik fotografınıñ  batıldığın atap ötti.

«Älemdik BAQ qwraldarına jetken, Türkiya tarihındağı mañızdı sätti suretke tüsirip aldım. Qara basımdı oylap qaşpay, jurnalist retinde men öz jwmısımdı orındauım kerek boldı», – deydi Burhan Ozbiliji  AFP basılımına bergen swhbatında.

World Press Photo konkursınıñ jeñimpazı
Burhan Ozbilici-diñ sureti, The Associated Press/Handout via REUTERS

Reseydiñ Türkiyadağı elşisi Andrey Karlov 19 jeltoqsan küni  Ankaradağı fotokörmede  öltirilgen. Oğan birneşe ret oq atqan 22 jastağı türik policiya qızmetkeri Mevlyut Altınşaş atalmış körmege küzetşi kiimimen kelgen. Ol oq atpas bwrın Alleponıñ kegin qaytaratındığın aytıp, birneşe märte  ayqaylap jibergen.

Ayta keteyik, World Press Photo sayısında 125 elden 5000-ğa juıq fotograf qatısqan. «Ukrainanıñ qaralı künderi» seriyasınıñ avtorı Valeriya Mel'nikova «Wzaq merzimdi jobalar» kategoriyasında jeñimpaz atandı. Sonımen qatar, qazılar alqası reseylik fotograf Sergey Ponomorevtiñ Iraktan jasağan fotoreportajdarın da joğarı bağalağan.

«The Qazaq Times»