Foto: Atameken Business Channel

Joğarı Keñes deputatı Kenjebek Bokoev qırğız ükimetiniñ nazarın eldegi su qoymalarına audartıp, körşi respublikalarğa sudı satudı wsındı.

«Talas oblısındağı Kirov su qoymasında 2 mıñ gektar jer su astında qaldı. Su qoymanıñ 90 payız suın Qazaqstan men Özbekstan tegin paydalanıp keledi. Ükimet olardan aqşa alu mäselesin qarastıru kerek», - dedi Bokoev.

Talas oblısındağı Kirov su qoyması 1975 jılı Manas jäne Kara-Buura audandarınıñ ortasında salınğan. Oğan 550 mln tekşemetr su sıyadı. Qırğızstan onıñ tek 12 payızın ğana paydalanadı. Qalğan böligin kelisim boyınşa Qazaqstan paydalanadı.

Qazaqstan sudı paydalanğanı üşin jıl sayın su qoymasına 70 mln teñge (194 mıñ dollar) bölip, jöndeu jwmıstarın jürgizedi. Biraq qırğız tarapı bwl qarjı jetkiliksiz dep otır.

"The Qazaq Times"