قىرعىز دەپۋتاتى قازاقستان مەن وزبەكستانعا سۋدى ساتۋدى ۇسىندى

جوعارى كەڭەس دەپۋتاتى كەنجەبەك بوكوەۆ قىرعىز ۇكىمەتىنىڭ نازارىن ەلدەگى سۋ قويمالارىنا اۋدارتىپ، كورشى رەسپۋبليكالارعا سۋدى ساتۋدى ۇسىندى.

«تالاس وبلىسىنداعى كيروۆ سۋ قويماسىندا 2 مىڭ گەكتار جەر سۋ استىندا قالدى. سۋ قويمانىڭ 90 پايىز سۋىن قازاقستان مەن وزبەكستان تەگىن پايدالانىپ كەلەدى. ۇكىمەت ولاردان اقشا الۋ ماسەلەسىن قاراستىرۋ كەرەك»، - دەدى بوكوەۆ.

تالاس وبلىسىنداعى كيروۆ سۋ قويماسى 1975 جىلى ماناس جانە كارا-بۋرا اۋداندارىنىڭ ورتاسىندا سالىنعان. وعان 550 ملن تەكشەمەتر سۋ سىيادى. قىرعىزستان ونىڭ تەك 12 پايىزىن عانا پايدالانادى. قالعان بولىگىن كەلىسىم بويىنشا قازاقستان پايدالانادى.

قازاقستان سۋدى پايدالانعانى ءۇشىن جىل سايىن سۋ قويماسىنا 70 ملن تەڭگە (194 مىڭ دوللار) ءبولىپ، جوندەۋ جۇمىستارىن جۇرگىزەدى. بىراق قىرعىز تاراپى بۇل قارجى جەتكىلىكسىز دەپ وتىر.

"The Qazaq Times"