Erteñ, aqpannıñ 12-si küni «Twmar» attı birinşi Wlttıq televiziyalıq beygesine qatısuğa ötinişterdi qabıldau nauqanı bastaladı. Bwl turalı QazAqparat habarladı.

Şaranıñ bastı maqsatı – eñ sapalı äri özekti televiziyalıq önimdi anıqtau, teleöndiristegi talanttı käsibi mamandardı qoldau, otandıq televiziyalıq öndiristiñ imidjin qalıptastıru jäne Qazaqstandıq sapalı televidenieni damıtu. Bäygege ötken jılı efirge şıqqan televiziyalıq jobalar qatısadı. Osığan baylanıstı wlttıq jäne aymaqtıq telekompaniyalar, studiyalar, prodyuserlik ortalıqtar jäne basqa de media öndiris wyımdarı ümitker retinde qatısu üşin aqpannıñ 24-ine deyin öz ötinişterin joldauı tiis.

«Twmar» bäygesi tömendegi atalımdar boyınşa iriktelgen ümitkerler arasında sarapqa salınadı:

  1. Üzdik derekti kino;
  2. Üzdik äleumettik joba;
  3. Üzdik aqparattıq bağdarlama;
  4. Üzdik aqparattıq-saraptamalıw bağdarlama;
  5. Üzdik muzıkalıq bağdarlama;
  6. Üzdik tok-şou;
  7. Üzdik televiziyalıq serial;
  8. Üzdik äzil-sıqaq bağdarlaması;
  9. Televiziyalıq mausımnıñ Üzdik jobası;
  10. Televiziyanıñ damuına wles qosqanı üşin;
  11. Üzdik aymaqtıq aqparattıq bağdarlama;
  12. Üzdik aymaqtıq äleumettik bağdarlama.

Bäygeni wyımdastıruşı  – «Qazmedia ortalığı». Şara Qazaqstan Respublikasınıñ Aqparat jäne kommunikacyalar ministrliginiñ qoldauımen ötkeli otır. Qazılar alqası joldanğan materialdardı saraptap, qarap şığıp, jasırın dauıs beru arqılı laureattardı anıqtaydı. Qazılar alqası qazaqstandıq televiziyanıñ eñ käsibi mamandarınan jasaqtaladı.

Qosımşa aqparat resmi saytta: www.tumar.kz ; baylanıs nömiri +7 (7172) 55-36-36; elektrondıq meken-jay info@tumar.kz

«The Qazaq Times»