İİM Qalmwhanbet Qasımov. Foto: Tengrinews.kz

Qoğam tarapınan İİM qatıstı aytılıp jatqan sındardıñ barlığı orındı – dep mälimdedi İşki ister ministri Qalmwhanbet Qasımov.

«Ökinişke oray soñğı uaqıttarı İİM, onıñ işinde policiya qızmetkerleri jii sınğa alınuda. Qoğam tarapınan aytılıp jatqan sındardıñ barlığı orındı. Şınında da policiya jwmısında şeşilmegen mäseleler öte köp. Qazir biz osı problemalardı şeşu jolında jwmıs istep jatırmız jäne onı halıqtan jasırıp otırğan joqpız. BAQ betterinde jarıq körip jatqan sıni materialdarğa manitoring jürgizip, sol boyınşa zañ bwzuşılıqtardı anıqtap, kerek bolğan jağdayda tiisti adamdardı jwmıstan quuğa deyingi şaralardı orındaymız» - dedi jurnalistermen ötken arnayı baspasöz mäslihatında Qalmwhanbet Qasımov.

Esteriñizge salayıq, tamız ayınıñ 19-ı küni Almatı qalasında Olimpiada oyındarınıñ jüldegeri, mänerlep sırğanauşı Denis Tenniñ öliminen keyin İİM ülken dauğa ilikken. Azamattıq belsendiler men jurnalister İşki ister ministri Qalmwhanbet Qasımovtıñ ostavkağa ketuin talap etip, vedomstvanıñ özine tübegeyli reforma qajet degen. Osıdan keyin köp wzamay prezident Nwrswltan Nazarbaev İİM modernizaciyadan ötkizu qajet dep, arnayı qwjatqa qol qoyğan.

"The Qazaq Times"