Foto: politeka.net

Reseyde üş jüz mıñ sarbazdıñ qatısuımen eñ auqımdı äskeri oqu-jattığu jwmıstarı bastaldı.

Resey Qorğanıs ministrliginiñ habarlauınşa, 11 qırküyek küni eldiñ Qiır Şığısında  300 mıñ sarbaz, 1000-ğa juıq wşaq, 36 mıñ tank, 80 äskeri kemeniñ qatısuımen «Şığıs-2018» äskeri oqu-jattığu jwmıstarı bastalğan. Oqu-jattığu jwmıstarı qırküyek ayınıñ 17-ine deyin sozılmaq.

NATO Reseydiñ «Şığıs-2018» äskeri oqu-jattığu jwmıstarına «Mäskeu ülken soğısqa dayındalıp jatır» degen bağa berdi. Däl osınday oqu-jattığu jwmıstarı Keñester odağınıñ twsında 1980 jılı Varşava kelisimi elderiniñ qatısuımen ötken. Ol kezde batıs elderi Kreml'diñ bwl äreketine «öziniñ küş-quatın älemge paş etu jäne iri äskeri operaciyağa dayındıq» dep bağalağan.

"The Qazaq Times"