رەسەي ارمياسى ۇلكەن سوعىسقا دايىندالىپ جاتىر

رەسەيدە ءۇش ءجۇز مىڭ ساربازدىڭ قاتىسۋىمەن ەڭ اۋقىمدى اسكەري وقۋ-جاتتىعۋ جۇمىستارى باستالدى.

رەسەي قورعانىس مينيسترلىگىنىڭ حابارلاۋىنشا، 11 قىركۇيەك كۇنى ەلدىڭ قيىر شىعىسىندا  300 مىڭ سارباز، 1000-عا جۋىق ۇشاق، 36 مىڭ تانك، 80 اسكەري كەمەنىڭ قاتىسۋىمەن «شىعىس-2018» اسكەري وقۋ-جاتتىعۋ جۇمىستارى باستالعان. وقۋ-جاتتىعۋ جۇمىستارى قىركۇيەك ايىنىڭ 17-ىنە دەيىن سوزىلماق.

ناتو رەسەيدىڭ «شىعىس-2018» اسكەري وقۋ-جاتتىعۋ جۇمىستارىنا «ماسكەۋ ۇلكەن سوعىسقا دايىندالىپ جاتىر» دەگەن باعا بەردى. ءدال وسىنداي وقۋ-جاتتىعۋ جۇمىستارى كەڭەستەر وداعىنىڭ تۇسىندا 1980 جىلى ۆارشاۆا كەلىسىمى ەلدەرىنىڭ قاتىسۋىمەن وتكەن. ول كەزدە باتىس ەلدەرى كرەملدىڭ بۇل ارەكەتىنە «ءوزىنىڭ كۇش-قۋاتىن الەمگە پاش ەتۋ جانە ءىرى اسكەري وپەراتسياعا دايىندىق» دەپ باعالاعان.

"The Qazaq Times"