28-şi Qısqı Universiada-2017-ni ötkizu ayasında qwrılğan Ştabqa Qazaqstan Respublikası işki ister ministriniñ orınbasarı policiya general-mayorı Erlan Twrğwmbaev jetekşilik etti.  Ştabtıñ qorıtındı otırısında sporttıq is-şaranıñ qauipsizdigin qamtamasız etu men qwqıq tärtibin saqtau mindetterine kirgen vedomstvolardıñ jwmıs nätijeleri aytıldı dep habarlaydı Almatı qalasınıñ İİD Baspasöz-qızmetinen Gülnar Jamanqwlova.

«Ağımdağı jıldıñ 28 qañtarı men 9 aqpanı aralığında Universiada-2017 ötkizu ayasında der kezinde qılmıstıñ aldın alu men jolın kesu üşin Almatı garnizonınıñ jeke qwramı (İİD, TJD, Almatı qalası men Almatı oblısınıñ QAJD, sonday-aq Wlttıq wlannıñ aymaqtıq qolbasşılığı) küşeytilgen qızmet tärtibine köşirildi. Sportşılar ornalasqan jäne sport şaraları ötkiziletin jerlerde qoğamdıq tärtipti saqtauğa 7 mıñ 800 policiya qızmetkerleri jäne Wlttıq wlan men Qorğanıs ministrliginiñ äskeri qızmetkerleri jwmıldırıldı. Olardıñ 2 mıñnan astamı qala köşeleri men qoğamdıq orındarda kezekşilik etti. Sonday-aq, osı jwmısqa Almatı İİM Akademiyasınıñ 500-ge juıq tıñdauşıları jäne 2 mıñ 123 jeke küzet wyımdarınıñ qızmetkerleri de tartıldı. Almatı qalası men Almatı oblısınıñ İşki ister departamentteriniñ jedel-tergeu toptarı da küşeytilgen tärtipte jwmıs istedi»,- dedi ministrdiñ orınbasarı.

Qabıldanğan şaralar nätijesinde qañtar ayında qılmıstıq qwqıqbwzuşılıqtardıñ jalpı sanı 13,3%-ğa, qoğamdıq orındarda jasalğanı – 7,5%-ğa, köşedegi tärtip bwzu – 33,5%-ğa, onıñ işinde auır jäne asa auır qılmıstar 48%-ğa azayğanı bayqaladı. Tonau – 5,6%-ğa, bwzaqılıq – 14,3%-ğa tömendegen. Twtastay alğanda, qaladağı jedel jağday twraqtı. Qılmıs ürdisi 10,8%-ğa azayğan.

Universiada nısandarında ötkizilgen is-şaralar kezinde 1 qılmıstıq, 13 äkimşilik qwqıqbwzuşılıqtar, sonday-aq jeke müliktiñ joğaluınıñ 11 deregi tirkeldi. Sonımen qatar, 11 adam jarıs biletterin alıp-satumen aynalısqanı üşin wstaldı, belgilenbegen jerde sauda jasağanı üşin 2 adam äkimşilik jauapkerşilikke tartıldı, sonday-aq sport nısandarında ornalasqan dükennen kürte wrlaudıñ 1 deregi tirkeldi. Küdikti birden anıqtalıp, «izi suımay» qolğa tüsti. Universiada nısandarında tiisti tärtipti qamtamasız etu men biletterdi alıp-satu äreketteri orın almas üşin İİD qızmetkerleri arasınan qosımşa toptar qwrıldı. Nätijesinde alıpsatarlardan 500-den astam bilet tärkilendi.

Jol qauipsizdigin qamtamasız etu maqsatında qala joldarındağı jağdaydı twraqtandıruğa baylanıstı şaralar qabıldandı. Almatı qalasında jol qauipsizdigin bwzğandarğa jedel şaralar qoldanu üşin 10 stacionarlıq beketter qoyıldı. Osınday beketter Almatı qalasına kireberistegi Almatı oblısınıñ aymaqtarına da qoyıldı. Qabıldanğan şaralar nätijesinde 59 mıñnan astam Jol qozğalısı erejesin bwzuşılıq anıqtaldı, onıñ işinde kölik qwralın mas küyinde basqarğanı üşin 162 jürgizuşi äkimşilik jauapkerşilikke tartıldı. Nätijesinde zardap şeguşileri bar jol-kölik oqiğalarınıñ sanı 10,4%-ğa, kisi ölimimen ayaqtalğanı 44,4%-ğa, onıñ işinde balalrdıñ qatısuımen bolğan, bwl rette birde-bir bala qaza bolğan joq,  jol-kölik oqiğaları 17,4%-ğa azaydı.

Respublikalıq vedomstvoaralıq jedel Ştab jwmısın qorıtındılağan Erlan Twrğwmbaev: «Bügingi tañda barlıq sayıstar ayaqtaldı. Qazir Universiada qatısuşıları qaytıp jatır. Almatınıñ Halıqaralıq äuejayı men temirjol vokzalınan ketip jatqan şeteldik azamattardı tirkeu jüyesi üzdiksiz jwmıs istep twr. Jalpı, studenttik oyındar kezindegi qauipsizdikpen qamtamasız etu turalı İşki ister ministrligi jäne arnayı qızmet, özge de qwqıq qorğau organdarı tarapınan wsınılğan twjırımdama tiimdi jüzege asırıldı. Sonday-aq BAQ arqılı jariyalanğan jol qozğalısına engizilgen tüzetuler turalı resmi habarlamar men ötkizilgen şaralarğa tüsinistikpen qarağan jwrtşılıq ta öz ülesin qostı. Ayta keteyik, bwl künderi respublikalıq jäne aymaqtıq deñgeydegi bwqaralıq aqparat qwraldarında auqımdı halıqaralıq oqiğalar ötkizu kezindegi qauipsizdik şaraları turalı 176 aqparat jarıq kördi»,- dedi

«The Qazaq Times»