Foto: Nastoyaşee Vremya

«Amnesty International», «Human Rights Watch» jäne «Front Line Defenders» halıqaralıq qwqıq qorğau wyımdarı Resey prezidenti Vladimir Putindi Şeşenstan prezidenti Ramzan Qadırovtıñ isterine tıyım saluğa şaqırdı.

Ramzan Qadırov jaqında «Memorial» qoğamdıq wyımınıñ jetekşisi Oyub Titievke qatıstı sot procesinen keyin, Şeşenstan qwqıq qorğauşılar üşin «jabıq territoriya» boladı dep mälimdegen.

«Soñğı on jılda Ramzan Qadırov Şeşenstandağı özgeşe oylaytın azamattardı basıp, qwqıq qorğauşılardıñ izine tüsip keledi. Şeşenstanda adam qwqıqtarı jii bwzıladı. Zañsız sottap, azaptaydı» delingen qwqıq qorğauşılar taratqan mälimdemede.

22 tamızda Qadırov Şeşenstandağı qwqıq qorğau organdarı aldında söz söylep, "elge Titievtiñ sotına älemniñ är tükpirinen "özderin qwqıq qorğauşılarmız dep jariyalağan" adamdar keledi" dep mälimdegen. Qadırovtıñ sözderiniñ tolıq mätinin "Novaya gazeta" jariyaladı.

«Amnesty International», «Human Rights Watch» jäne «Front Line Defenders» wyımdarı jariyalağan aşıq hatta qwqıq qorğauşılar Putinnen Qadırov isterine tıyım saluın swrap, Oyub Titievti tez arada bosatudı talap etken.

“The Qazaq Times”