«Amnesty International», «Human Rights Watch» جانە «Front Line Defenders» حالىقارالىق قۇقىق قورعاۋ ۇيىمدارى رەسەي پرەزيدەنتى ۆلاديمير ءپۋتيندى شەشەنستان پرەزيدەنتى رامزان قادىروۆتىڭ ىستەرىنە تىيىم سالۋعا شاقىردى.
رامزان قادىروۆ جاقىندا «مەموريال» قوعامدىق ۇيىمىنىڭ جەتەكشىسى ويۋب تيتيەۆكە قاتىستى سوت پروتسەسىنەن كەيىن، شەشەنستان قۇقىق قورعاۋشىلار ءۇشىن «جابىق تەرريتوريا» بولادى دەپ مالىمدەگەن.
«سوڭعى ون جىلدا رامزان قادىروۆ شەشەنستانداعى وزگەشە ويلايتىن ازاماتتاردى باسىپ، قۇقىق قورعاۋشىلاردىڭ ىزىنە ءتۇسىپ كەلەدى. شەشەنستاندا ادام قۇقىقتارى ءجيى بۇزىلادى. زاڭسىز سوتتاپ، ازاپتايدى» دەلىنگەن قۇقىق قورعاۋشىلار تاراتقان مالىمدەمەدە.
22 تامىزدا قادىروۆ شەشەنستانداعى قۇقىق قورعاۋ ورگاندارى الدىندا ءسوز سويلەپ، "ەلگە تيتيەۆتىڭ سوتىنا الەمنىڭ ءار تۇكپىرىنەن "وزدەرىن قۇقىق قورعاۋشىلارمىز دەپ جاريالاعان" ادامدار كەلەدى" دەپ مالىمدەگەن. قادىروۆتىڭ سوزدەرىنىڭ تولىق ءماتىنىن "نوۆايا گازەتا" جاريالادى.
«Amnesty International»، «Human Rights Watch» جانە «Front Line Defenders» ۇيىمدارى جاريالاعان اشىق حاتتا قۇقىق قورعاۋشىلار پۋتيننەن قادىروۆ ىستەرىنە تىيىم سالۋىن سۇراپ، ويۋب تيتيەۆتى تەز ارادا بوساتۋدى تالاپ ەتكەن.
نۇرايدىڭ ءولىمى: ەلەنبەگەن شاعىم مەن جاۋاپسىز قالعان قاۋىپ
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى