Foto: naked-science

Qıtaydıñ Nankin qalasında  «tiginen ornalasqan ormandar»  atalatın  jaña kök tiregen ğimarattar twrğızılmaq. Jospar boyınşa, atalmış ğimarat bir täulikte 25 tonna kömirqışqıl gazın özine siñirip alıp, 60 killogramm ottegi bölui kerek.  Bwl turalı naked-science habarlaydı.

Stefano Boeri wsınğan «Tiginen ornalasqan ormandar» jobası nemese basqaşa aytqanda, ekoğimarattar mümkin emes närse jäne ol tek qağazdağı koncepciya retinde ğana qaladı dep qabıldanğan. Alayda atalmış koncepciya keñinen tanılıp, keyinnen Italiya men Şveycariyada jasalındı. Sonıñ jalğası retinde säuletşi  endigi Qıtaydıñ Nankin qalasında kök tiregen «jasıl» ğimarattıñ jobasın jasap şığarudı josparlap otır.

Foto: naked-science

Jaña ğimarat Italiya men Şveycariyada jüzege asqan jobanıñ koncepciyası negizinde jasalınadı. Onda biiktigi 108, 200 metr bolatın  birneşe mwnaralar boladı. Sonday-aq, kökpen talasqan biik ğimaratta keñseler, qonaq üy, sauda orındarı, meyramhanalar men körme zalı boladı. Joğarıda atalğan 200 metrlik mwnaranıñ üstinde (şatırında) klub, 108 metrlik mwnarasınıñ şatırında basseyn ornalastırılmaq.

Bwl joba üşin jalpı kölemde 600 biik, 500 ortaşa ağaştar, baulı ösimdikter men bwtalar kerek boladı. Proekt jetekşileriniñ mälimdeuinşe, bwnday jobanıñ arqasında qalağa bir täulikte 25 tonna kömirqışqıl gazı siñirilip, 60 kilogramm ottegi taraladı. Nanjing Yang Zi atalatın memlekettik investiciyalıq toptıñ tapsırısımen jasalınıp jatqan ğimarattıñ kwrılıs jwmıstarı  2018  jılı ayaqtaladı.

Esteriñizge sala keteyik, osınday jobalardıñ birin bel'giyalıq säuletşi Vinsent Kallebaut ta wsınğan bolatın. Onıñ koncepcisı boyınşa, «tiginen ornalasqan ormandar» – qoljetimdi energiya öndiretin taza ğimarattar  bolıp tabıladı.

«The Qazaq Times»