قىتايدىڭ نانكين قالاسىندا «تىگىنەن ورنالاسقان ورماندار» اتالاتىن جاڭا كوك تىرەگەن عيماراتتار تۇرعىزىلماق. جوسپار بويىنشا، اتالمىش عيمارات ءبىر تاۋلىكتە 25 توننا كومىرقىشقىل گازىن وزىنە ءسىڭىرىپ الىپ، 60 كيللوگرامم وتتەگى ءبولۋى كەرەك. بۇل تۋرالى naked-science حابارلايدى.
ستەفانو بوەري ۇسىنعان «تىگىنەن ورنالاسقان ورماندار» جوباسى نەمەسە باسقاشا ايتقاندا، ەكوعيماراتتار مۇمكىن ەمەس نارسە جانە ول تەك قاعازداعى كونتسەپتسيا رەتىندە عانا قالادى دەپ قابىلدانعان. الايدا اتالمىش كونتسەپتسيا كەڭىنەن تانىلىپ، كەيىننەن يتاليا مەن شۆەيتساريادا جاسالىندى. سونىڭ جالعاسى رەتىندە ساۋلەتشى ەندىگى قىتايدىڭ نانكين قالاسىندا كوك تىرەگەن «جاسىل» عيماراتتىڭ جوباسىن جاساپ شىعارۋدى جوسپارلاپ وتىر.
فوتو: naked-science
جاڭا عيمارات يتاليا مەن شۆەيتساريادا جۇزەگە اسقان جوبانىڭ كونتسەپتسياسى نەگىزىندە جاسالىنادى. وندا بيىكتىگى 108, 200 مەتر بولاتىن بىرنەشە مۇنارالار بولادى. سونداي-اق، كوكپەن تالاسقان بيىك عيماراتتا كەڭسەلەر، قوناق ءۇي، ساۋدا ورىندارى، مەيرامحانالار مەن كورمە زالى بولادى. جوعارىدا اتالعان 200 مەترلىك مۇنارانىڭ ۇستىندە (شاتىرىندا) كلۋب، 108 مەترلىك مۇناراسىنىڭ شاتىرىندا باسسەين ورنالاستىرىلماق.
بۇل جوبا ءۇشىن جالپى كولەمدە 600 بيىك، 500 ورتاشا اعاشتار، باۋلى وسىمدىكتەر مەن بۇتالار كەرەك بولادى. پروەكت جەتەكشىلەرىنىڭ مالىمدەۋىنشە، بۇنداي جوبانىڭ ارقاسىندا قالاعا ءبىر تاۋلىكتە 25 توننا كومىرقىشقىل گازى ءسىڭىرىلىپ، 60 كيلوگرامم وتتەگى تارالادى. Nanjing Yang Zi اتالاتىن مەملەكەتتىك ينۆەستيتسيالىق توپتىڭ تاپسىرىسىمەن جاسالىنىپ جاتقان عيماراتتىڭ كۇرىلىس جۇمىستارى 2018 جىلى اياقتالادى.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى