Äleumettik jelilerde jalğan aqparat şın informaciyanı ığıstırıp şığaruda. Foto: REUTERS/BBC,.

Wlıbritaniya Parlamentiniñ qauım palatasındağı mädeniet, baspasöz jäne sport komitetiniñ jasağan resmi mälimdemesine qarağanda, qazirgi kezde twtas älemde äleumettik jelilerde tarağan jalğan mälimetter asa jıldam taralıp, şınayı aqparattardı ığıstırıp şığaruda. Atalğan komitet äleumettik jeli twtınuşılarınıñ aqparattıñ şın jalğanın ajırata almaytın deñgeyge tüskeninen alañdaydı. Bwl turalı BBC habar tarattı.

Komitet törağası Demian Kollinzdiñ aytuınşa, bwl demokratiyağa ülken qauip töndiretin isterdiñ biri. Sondıqtanda ol äleumettik jeliniñ ielerine jalğan aqparatpen küresuge şaqırğan. Osıdan bwrın Britan ükimeti kezkelgen aqparattı äleumettik jelige alğaş saluşı adamğa tirkep, jelilerge bölisilgen künde de äuelgi avtorğa siltemeni avtomattı tabatın bağdarlama jasaudı wsınğan. Sol arqılı avtor özi jariyalağan aqparatqa jauaptı boladı.

Keybir toptar milliondağan akkaunttardı jalğan aqparat taratuğa paydalanıp, onı auqımdı sayasi maqsattar üşinde istetkeni turalı mälimetterdi jariya etude. Aytalıq, 2016 jılğı AQŞ-tıñ prezident saylauında jäne "breksit" kezinde jalğan aqparat taratqan londondıq kompaniya ayıptaluda. Qazirgi tañda Britan ükimeti äleumettik jeliniñ ielerin osı mäsele turasında kelissöz ötkizuge şaqıruda.

“The Qazaq Times”