Qazaqstan parlametiniñ tömengi palatası mäjilisi Qazaqstanda filialı joq äleumettik jeliler men mesenjerlerdiñ jwmısın şekteytin zañ jobasın maqwldadı. Tömengi palata deputattarı maqwldağan qwjat "Bala qwqıqtarın qorğau mäseleleri boyınşa keybir zañnamalıq aktilerge özgerister men tolıqtırular engizu turalı" dep ataladı.  Bwl turalı Vlast saytı habarladı.

Zañ jobasına säykes, şeteldik äleumettik jeliler men messenjerler Qazaqstan aumağında zañdı twlğa retinde tirkelip, filialın aşuğa tiis. Bwğan qosa, filialdı Qazaqstan azamatı basqaruı kerek. Bwl erejeni orındamasa, zañ jobası küşine engennen keyin altı aydan soñ jeliler bwğattala bastaydı.

Aqparatqa qarağanda, deputattar sonımen birge internet-resurstardı bwğattau tärtibin özgertudi wsınğan. Eger bwrın bwl sot şeşimimen jüzege assa, endi ökiletti organnıñ şeşimimen bwğattau qarastırılıp jatır.

Atalğan wsınıs avtorları – deputattar Dina Zäkieva men Aydos Sarım. Deputattardıñ pikirinşe, bwl normalar kiberbullingen küresip, bala qwqığın qorğauğa kömektesedi. Sayttıñ habarlauınşa, degenmen särsenbi küni zañ jobasın talqılau kezinde deputattar bwğattau mäselesin aynalıp ötip, balalardı qorğau mäselesine köbirek nazar audaruğa tırısqan.

The Qazaq Times