6 aqpan küni ötken "Öner aldı - qızıl til" studentter aytısı.

Esteriñizde bolsa, 5 jıldan beri ötkizilip keletin dästürli «Altın dombıra» alamanınıñ 2016 jılğı qorıtındısı halıqtıñ narazılığın tudırğan bolatın. 3-4 jeltoqsan künderi Almatıdağı  Respublika Sarayında ötken dübirli dodada, qazılar alqasınıñ şeşimimen, Altın dombıra jäne 5 million qarjılay jülde Mwhtar Niyazovqa bwyırğan.

Aytıskerlerdi marapattau sätinde halıq du köterilip, narazılıq tanıtqan edi. Oğan sebep:  halıq bas jüldege Bolatbek Orazbaevatı layıq dep tanığan. Pikir ekige jarıldı. Biri sayıstı ädil boldı dese, endi biri oğan dau aytıp jattı. Arada 2 ay ötse de «Altın dombıra» töñiregindegi bwl dau halıqtıñ köñilinde qaldı, äli künge deyin qızu talqılanıp jatqan mäsele. Sonı eskere kele, Jürsin Erman 2017 jılı,  6 aqpan küni, 28-şi bükilälemdik qısqı Universiada ayasında, Almatı qalalıq äkimdiginiñ qoldauımen, «Öner aldı – qızıl til» attı respublikalıq studentter aytısınıñ marapattau sätinde atap ötken bolatın:

«Jaqında «Altın dombırada»  Mwhtar Niyazovtıñ jeñisine kümän boldı. “Bäyge dwrıs bolmadı, Mwhtarğa emes, Bolatbekke berilui kerek edi” degen şu köterildi. Eger jülde Bolatbekke bwyırsa, bälkim, Mwhtarğa berilui kerek degen şu şığar ma  edi?!. Sonıñ ornın toltırayıq dep,  däl osı zalda [«Alatau» dästürli öner teatrında – red] eki aqınnıñ  jekpe-jegin ötkizgim keledi. Ekeuin "şayqastırıp" köreyik dep şeştim. Aytıs deytin janıñdı jep aytatın, ruhı biik öner ğoy. Mäsele kim jeñgende emes, bügin bireuiniñ jolı bolsa, erteñ ekinşisiniñ ayı oñınan tuar. Ekeui de swrapıl aqındar. Aytısqa  jarnama bolsın dep, halıqtıñ da qwmarı qansın dep bäyge izdep jatırmız. Aldağı uaqıtta qwlaqtarıñız türuli jürsin».

«The Qazaq Times»