QR Wlttıq muzeyinde HH ğasırdıñ eñ tanımal jäne bedeldi şeberleriniñ biri – Pablo Pikassonıñ biregey  körmesi aşıldı, dep habarlaydı QR Mädeniet jäne sport ministrligi.

Qazaqstan Respublikası Mädeniet jäne sport ministrligi wyımdastırğan «Pablo Pikasso. Volloristik Selestina men keramika» ekspoziciyası Astananıñ 20-jıldığına oray ötkizildi.

Körme barısında qala qonaqtarı men twrğındarı körkem  keramika men Pikasso gravyuralarınıñ sirek körsetiletin kollekciyasın tamaşaladı. Qwmıralar, tabaqşalar, sauıttar, ertegidegi qwstar men miftik jaratılıstar – wlı şeber Ekinşi düniejüzilik soğıstan keyin twraqtağan Franciyanıñ oñtüstiginiñ ğalamat şuaqtı peyzajdarınday köz tartadı.

Körmeniñ aşıluına qatısqan Italiyanıñ Qazaqstandağı elşisi Paskual' D,Avino da osınday şaranıñ wyımdastırılğanına  quanıştı ekenin mälimdedi.

Pablo Pikasso  tört mıñnan asa dekorativti keramikalıq forma jasağan. Pablo Pikasso tanıs zattardıñ utalitarlığın biregeylik, daralıq pen körkem tuındınıñ siqırlığımen biriktire aldı. Onıñ sauıttarı men keseleri öziniñ ädeyilep jasalğan formalarınıñ arqasında ädemi, twtas jäne tılsım häm tartımdı arhaikalıq müsin önerin eske tüsiredi.  Osı köztartarlıq, minsiz pişinderge oy jügirtip qarasaq, ğajayıp qwstar men añdardıñ tirilip, al tür-tüssiz keramikadan jasalğan müsinderge jan bitip, adam keyipine enetinin elestetemiz, ädettegi qarapayım obrazdar qaytalanbas twtas tarih retinde köz aldımızğa keledi.

Pikassonıñ bwl jwmıstarı – avtorlıq keramikanıñ alğaşqı täjiribesi emes. Volloristik keramikanıñ besigi – «Madura» keramikalıq şeberhanası äli künge deyin bar.

Körme 2018 jılğı 3 qaraşağa deyin jalğasadı.

  “The Qazaq Times”