Almatı jwrtşılığı Denis Tendi aqtıq saparğa şığarıp saldı.

Bügin Almatı halqı Baluan Şolaq atındağı sport sarayında Denis Tendi aqtıq saparğa şığarıp saldı. Qoştasu räsimine qarapayım halıqpen qatar tanımal sportşılar, mädeniet jäne qoğam qayratkerleri, deputattar men şeneunikter qatıstı.

Foto: QT

Mänerlep sırğanaudan Qazaqstannıñ birneşe dürkin çempionı, Soçi olimpiadasınıñ qola jüldegeri, Aziya oyındarınıñ jeñimpazı, älem çempionatınıñ jüldegeri Denis Ten şilde ayınıñ 19-ı küni pışaq jaraqatınan Almatı qalasınıñ №12 klinikalıq auruhanasında köz jwmğan.

Foto: QT

Almatı prokuraturasınıñ mälimetinşe, 19 şilde küni tüski sağat 15-00 şamasında Denis Ten Qwrmanğazı men Bayseyitov köşeleriniñ qiılısında köliginiñ aynasın wrlap jatqan eki adamnıñ üstinen tüsken. Teketires barısında qasköyler Denis Tendi pışaqtap, oqiğa ornınan izderin suıtqan. Keyinnen köşede ornatılğan beyne baqıtau kamerasınıñ kömegimen qwqıq qorğau organdarınıñ qızmetkerleri Denis Tenniñ ölimine qatısı bar degen küdikpen 1994 jılğı Jambıl oblısınıñ tuması Qiyasov Nwralı Däuletbekwlı men Qızılorda oblısında düniege kelgen Qwdaybergenov Arman Böribaywlın wstalğan. Qazirgi tañda küdiktiler Almatı qalalıq uaqıtşa tergeu izolyatorında qamauda otır.

"The Qazaq Times"