20 jıl işinde Astana qwrılısına qanşa qarjı jwmsalğandığı belgeli boldı.

Prem'er-ministr Baqıtjan Sağıntaev ükimet otırısında Astana qalasınıñ merey toyı qarsañında elordağa qatıstı mälimdeme jasadı. Sağıntaevtıñ sözinşe, 20 jıl işinde qala ekonomikası 5,3 trillion teñgege jetken. Onıñ işinde byudjettik emes investiciyalar kölemi 80 payız bolğan. Al osı uaqıtqa deyin qala qwrılısına 2,7 trillion teñge jwmsalğan.

Esteriñizge salayıq, bwğan deyin qarjı ministri Baqıt Swltanov biıl Astana künine 18,8 milliard teñge bölinetindigin aytqan. Astananıñ 20 jıldığına oray otandıq jäne şeteldik jwldızdardıñ qatısuımen şaharda 85 merekelik şara ötkizu josparlanğan.

“The Qazaq Times”