20 жыл ішінде Астана құрылысына қанша қаржы жұмсалғандығы белгелі болды.

Премьер-министр Бақытжан Сағынтаев үкімет отырысында Астана қаласының мерей тойы қарсаңында елордаға қатысты мәлімдеме жасады. Сағынтаевтың сөзінше, 20 жыл ішінде қала экономикасы 5,3 триллион теңгеге жеткен. Оның ішінде бюджеттік емес инвестициялар көлемі 80 пайыз болған. Ал осы уақытқа дейін қала құрылысына 2,7 триллион теңге жұмсалған.

Естеріңізге салайық, бұған дейін қаржы министрі Бақыт Сұлтанов биыл Астана күніне 18,8 миллиард теңге бөлінетіндігін айтқан. Астананың 20 жылдығына орай отандық және шетелдік жұлдыздардың қатысуымен шаһарда 85 мерекелік шара өткізу жоспарланған.

“The Qazaq Times”