1 şildeden bastap Qazaqstanda zeynetaqı töleu jüyesi özgerip, är zeynetkerge jeke tölemaqı tağayındalmaq. Bwl turalı Qazaqstan Eñbek jäne halıqtı äleumettik qorğau ministriniñ orınbasarı Svetlana Jaqıpova mälimdedi.

 

Jaqıpovanıñ sözinşe, zeynetaqı kölemine salımşınıñ eñbek ötili men qatısu merzimi äser etedi. Jañaşa zeynetaqı alu üşin qwjat jinau qajet emes. Bwl özgeris säykes, 2 million 148 mıñ zeynetkerdiñ tölemaqısı qayta esepteledi.

- Eger bir äyel (1998 jılğa deyin) jwmıs istep, jiırma jıl eñbek ötilimen zeynetke şıqsa, onıñ bazalıq zeynetaqısı soğan säykes tölenedi. Al ol äyel 1998 jıldan keyin de, zeynetaqı jüyesine salımşı retinde qatıssa, onıñ jalpı eñbek ötili 35 jıl bolıp esepteledi. Bazalıq zeynetaqını esepteu qazirden bastaladı. Ol eñ tömengi kün köris deñgeyiniñ 54 payızı qwraydı. Mwnday kölemdegi zeynetaqı barlıq qazaqstandıqtarğa tiesili ekenine kepildik beremiz. Eger eñbek ötiliñiz on jıldan az bolsa, tölemaqıñız kün köris deñgeyiniñ eñ tömengi deñgeyindegi 15 274 teñge bolıp qala beredi. Eger eñbek ötiliñiz on jıldan assa, är jılğa eki payız tölemaqı qosıladı: 11 jılğa – 56 payız, 12 jılğa – 58 payız" dep tüsindirdi vice - ministr.

Resmi mälimetke säykes, Qazaqstanda zeynetkerlerdiñ sanı eki millionnan asadı. Qazaqstan Eñbek jäne halıqtı äleumettik qorğau ministrliginiñ boljamına säykes, qazaqstandıq zeynetkerlerdiñ 44 payızı künköris minimumınıñ 100 payızın qwraytın bazalıq zeynetaqı aladı.

“The Qazaq Times”