1 شىلدەدەن باستاپ قازاقستاندا زەينەتاقى تولەۋ جۇيەسى وزگەرىپ، ءار زەينەتكەرگە جەكە تولەماقى تاعايىندالماق. بۇل تۋرالى قازاقستان ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى سۆەتلانا جاقىپوۆا مالىمدەدى.

 

جاقىپوۆانىڭ سوزىنشە، زەينەتاقى كولەمىنە سالىمشىنىڭ ەڭبەك ءوتىلى مەن قاتىسۋ مەرزىمى اسەر ەتەدى. جاڭاشا زەينەتاقى الۋ ءۇشىن قۇجات جيناۋ قاجەت ەمەس. بۇل وزگەرىس سايكەس، 2 ميلليون 148 مىڭ زەينەتكەردىڭ تولەماقىسى قايتا ەسەپتەلەدى.

- ەگەر ءبىر ايەل (1998 جىلعا دەيىن) جۇمىس ىستەپ، جيىرما جىل ەڭبەك وتىلىمەن زەينەتكە شىقسا، ونىڭ بازالىق زەينەتاقىسى سوعان سايكەس تولەنەدى. ال ول ايەل 1998 جىلدان كەيىن دە، زەينەتاقى جۇيەسىنە سالىمشى رەتىندە قاتىسسا، ونىڭ جالپى ەڭبەك ءوتىلى 35 جىل بولىپ ەسەپتەلەدى. بازالىق زەينەتاقىنى ەسەپتەۋ قازىردەن باستالادى. ول ەڭ تومەنگى كۇن كورىس دەڭگەيىنىڭ 54 پايىزى قۇرايدى. مۇنداي كولەمدەگى زەينەتاقى بارلىق قازاقستاندىقتارعا تيەسىلى ەكەنىنە كەپىلدىك بەرەمىز. ەگەر ەڭبەك ءوتىلىڭىز ون جىلدان از بولسا، تولەماقىڭىز كۇن كورىس دەڭگەيىنىڭ ەڭ تومەنگى دەڭگەيىندەگى 15 274 تەڭگە بولىپ قالا بەرەدى. ەگەر ەڭبەك ءوتىلىڭىز ون جىلدان اسسا، ءار جىلعا ەكى پايىز تولەماقى قوسىلادى: 11 جىلعا – 56 پايىز، 12 جىلعا – 58 پايىز" دەپ ءتۇسىندىردى ۆيتسە - مينيستر.

رەسمي مالىمەتكە سايكەس، قازاقستاندا زەينەتكەرلەردىڭ سانى ەكى ميلليوننان اسادى. قازاقستان ەڭبەك جانە حالىقتى الەۋمەتتىك قورعاۋ مينيسترلىگىنىڭ بولجامىنا سايكەس، قازاقستاندىق زەينەتكەرلەردىڭ 44 پايىزى كۇنكورىس مينيمۋمىنىڭ 100 پايىزىن قۇرايتىن بازالىق زەينەتاقى الادى.

“The Qazaq Times”