QMDB Öskemen aymağı ökildigi imamdarı

Ağımdağı jılı islamtanuşı ğwlama ğalım, wlt qayratkeri Halifa Altaydıñ tuğana 100 jıl tolıp otır. Osı datanı layıqtı belgilep ötkizu maqsatında Qazaqstan mwsılmandarı dini basqarması «Ğwlamalar keñesinen» ağımdağı jılı Öskemen qalasında halıqaralıq konferenciya ötkizu turalı şeşim şığardı. Ğwlama ğalımnıñ 100 jıldığına arnap, Öskemen aymağı ökildigi ğalımnıñ atımen atalatın Şığıs Qazaqstan oblıstıq «Halifa Altay» meşiti birqatar şaralardı ötkizudi josparlap otır dep habarlaydı meşittiñ baspasöz qızmeti.

Mwnda biıl ökildik Öskemen qalasında Şığıs Qazaqstan oblısı äkimdiginiñ qoldauımen QMDB men birlesip halıaralıq ğılımi-täjiribelik konferenciya, respublikalıq Qwran jarısın, jır bäygesin ötkizu közdelude.

Dübirli toy eñ aldımen audandarda belgilenip, soñında oblıs ortalığında el aralıq şaralarmen tüyindelmek.

Ğılımi şarağa QMDB basşılığı men oblıstardıñ ökil imamdarımen qatar beligili islamtanuşı ğalımdar qatısadı dep kütilude. Sonımen birge ğalımnıñ köp jıldar meken etken Türkiya memleketinen, jäne körşiles Resey, Qıtay, Moñğoliya, Özbekstan, Qırğızstan elderiniñ islamtanuşı ğalımdarın şaqıru josparlandı.

Ğalımdar ğwlama ğalımnıñ eñbekteri jaylı zertteuleri men bayandamaların ortağa saladı. Sonımen qatar täuelsizdik jıldarındağı ruhani jetistigimiz saralanadı.

Qwran jarısına da qomaqtı jülde qorı tigilip, qazaqstandıq qarilarımız sayısqa tüsedi.

Sonımen qatar birqatar mädeni-ruhani şaralar da josparlanıp otır.

Osı datanı belilep ötkizu jöninde Şığıs Qazaqstan oblısı äkimdigine jäne Qazaqstan mwsılmandarı dini basrmasına Öskemen aymağı ökildigi öz jospar-jobaların wsındı.

Öskemen ökildigi janınan osınau datanı wyımdastıru turalı komissiya qwrılıp, öz jwmısın bastadı.

 “The Qazaq Times”