قمدب وسكەمەن ايماعى وكىلدىگى يمامدارى

اعىمداعى جىلى يسلامتانۋشى عۇلاما عالىم، ۇلت قايراتكەرى حاليفا التايدىڭ تۋعانا 100 جىل تولىپ وتىر. وسى داتانى لايىقتى بەلگىلەپ وتكىزۋ ماقساتىندا قازاقستان مۇسىلماندارى ءدىني باسقارماسى «عۇلامالار كەڭەسىنەن» اعىمداعى جىلى وسكەمەن قالاسىندا حالىقارالىق كونفەرەنتسيا وتكىزۋ تۋرالى شەشىم شىعاردى. عۇلاما عالىمنىڭ 100 جىلدىعىنا ارناپ، وسكەمەن ايماعى وكىلدىگى عالىمنىڭ اتىمەن اتالاتىن شىعىس قازاقستان وبلىستىق «حاليفا التاي» مەشىتى بىرقاتار شارالاردى وتكىزۋدى جوسپارلاپ وتىر دەپ حابارلايدى مەشىتتىڭ ءباسپاسوز قىزمەتى.

مۇندا بيىل وكىلدىك وسكەمەن قالاسىندا شىعىس قازاقستان وبلىسى اكىمدىگىنىڭ قولداۋىمەن قمدب مەن بىرلەسىپ حالىارالىق عىلىمي-تاجىريبەلىك كونفەرەنتسيا، رەسپۋبليكالىق قۇران جارىسىن، جىر بايگەسىن وتكىزۋ كوزدەلۋدە.

ءدۇبىرلى توي ەڭ الدىمەن اۋدانداردا بەلگىلەنىپ، سوڭىندا وبلىس ورتالىعىندا ەل ارالىق شارالارمەن تۇيىندەلمەك.

عىلىمي شاراعا قمدب باسشىلىعى مەن وبلىستاردىڭ وكىل يمامدارىمەن قاتار بەلىگىلى يسلامتانۋشى عالىمدار قاتىسادى دەپ كۇتىلۋدە. سونىمەن بىرگە عالىمنىڭ كوپ جىلدار مەكەن ەتكەن تۇركيا مەملەكەتىنەن، جانە كورشىلەس رەسەي، قىتاي، موڭعوليا، وزبەكستان، قىرعىزستان ەلدەرىنىڭ يسلامتانۋشى عالىمدارىن شاقىرۋ جوسپارلاندى.

عالىمدار عۇلاما عالىمنىڭ ەڭبەكتەرى جايلى زەرتتەۋلەرى مەن باياندامالارىن ورتاعا سالادى. سونىمەن قاتار تاۋەلسىزدىك جىلدارىنداعى رۋحاني جەتىستىگىمىز سارالانادى.

قۇران جارىسىنا دا قوماقتى جۇلدە قورى تىگىلىپ، قازاقستاندىق قاريلارىمىز سايىسقا تۇسەدى.

سونىمەن قاتار بىرقاتار مادەني-رۋحاني شارالار دا جوسپارلانىپ وتىر.

وسى داتانى بەلىلەپ وتكىزۋ جونىندە شىعىس قازاقستان وبلىسى اكىمدىگىنە جانە قازاقستان مۇسىلماندارى ءدىني باسرماسىنا وسكەمەن ايماعى وكىلدىگى ءوز جوسپار-جوبالارىن ۇسىندى.

وسكەمەن وكىلدىگى جانىنان وسىناۋ داتانى ۇيىمداستىرۋ تۋرالى كوميسسيا قۇرىلىپ، ءوز جۇمىسىن باستادى.

 “The Qazaq Times”