Birıñğay jinaqtauşı zeynetaqı qorınan bankterdi qoldauğa 200 milliard teñge qarjı alınatın boldı.

Bügin parlament otırısında söz söylegen Wlttıq Bank törağası Daniyar Aqışev: «Birıñğay jinaqtauşı zeynetaqı qorınan bankterge investiciya salatın bağdarlama qayta jañğıradı. Osı maqsatta BJZQ-dan 200 milliard teñge qarjı alınadı» - dedi.

Esteriñizge salayıq, osıdan biraz uaqıt bwrın Birıñğay jinaqtauşı zeynetaqı qorınıñ 71,3 milliard teñge qarjısı bankrotqa wşırağan äzirbayjandıq bankke salınğandığı jöninde aqparat tarağan. Bwl qoğamda qızu talqılanıp, aqır soñında Äzirbayjan ükimeti bankrot bankke salınğan qarjınıñ bir tiının qaldırmay qaytaratındıqtarın aytıp, uäde bergen. Alayda «BJZQ» mañayındağı dau bwnımen ayaqtalmağan. Säuir ayınıñ 18-i küni Almatı sotı BJZQ-nıñ bwrınğı basşısı Ruslan Erdenovtı «qor qarjısın talan-tarajğa saldı jäne para aldı» - dep ayıptap, 12 jılğa bas bostandığınan ayırğan.

“The Qazaq Times”