بىرىڭعاي جيناقتاۋشى زەينەتاقى قورىنان بانكتەردى قولداۋعا 200 ميلليارد تەڭگە قارجى الىناتىن بولدى.

بۇگىن پارلامەنت وتىرىسىندا ءسوز سويلەگەن ۇلتتىق بانك توراعاسى دانيار اقىشەۆ: «بىرىڭعاي جيناقتاۋشى زەينەتاقى قورىنان بانكتەرگە ينۆەستيتسيا سالاتىن باعدارلاما قايتا جاڭعىرادى. وسى ماقساتتا بجزق-دان 200 ميلليارد تەڭگە قارجى الىنادى» - دەدى.

ەستەرىڭىزگە سالايىق، وسىدان ءبىراز ۋاقىت بۇرىن بىرىڭعاي جيناقتاۋشى زەينەتاقى قورىنىڭ 71,3 ميلليارد تەڭگە قارجىسى بانكروتقا ۇشىراعان ازىربايجاندىق بانككە سالىنعاندىعى جونىندە اقپارات تاراعان. بۇل قوعامدا قىزۋ تالقىلانىپ، اقىر سوڭىندا ءازىربايجان ۇكىمەتى بانكروت بانككە سالىنعان قارجىنىڭ ءبىر تيىنىن قالدىرماي قايتاراتىندىقتارىن ايتىپ، ۋادە بەرگەن. الايدا «بجزق» ماڭايىنداعى داۋ بۇنىمەن اياقتالماعان. ءساۋىر ايىنىڭ 18-ءى كۇنى الماتى سوتى بجزق-نىڭ بۇرىنعى باسشىسى رۋسلان ەردەنوۆتى «قور قارجىسىن تالان-تاراجعا سالدى جانە پارا الدى» - دەپ ايىپتاپ، 12 جىلعا باس بوستاندىعىنان ايىرعان.

“The Qazaq Times”