Foto: centralasian.org

Özbekstan ükimeti bes jıldıñ köleminde ekologiyalıq jağdayı naşar Aral aymağınıñ damuına 2,6 milliard dollar böludi közdep otır. Özbek prezidenti Şavkat Mirziyaev 2017−2021 jıldarğa arnalğan memlekettik bağdarlama qabıldadı. Qwjat 30 qañtarda küşine endi. Bwl turalı "Ortalıq Aziya habar qızmeti" habarlaydı. 

Qarajat aymaq twrğındarınıñ ömirin jaqsartuğa bağıttaladı. Atap aytqanda, jwmıs orındarı aşılıp, jaña üyler salınadı, su jürgiziledi, medicinalıq qızmet jaqsaradı, jergilikti twrğındarğa şağın nesieler bölinip, äleumettik tölemder ösedi.

Kölemi jağınan älemdegi törtinşi tabiği su qoyması - Aral teñizi - 1960 jıldardan beri 90 payızğa azaydı, onıñ bir sebebi - teñizge qwyılatın Amudariya men Sırdariya özenderi sovettik irrigaciyalıq jobalardı jüzege asıruğa paydalanıldı.

Bwnıñ soñı Qaraqalpaqstan özbek avtonomiyası men Qazaqstanda ekologiyanıñ kürt naşarlauına alıp keldi.

“The Qazaq Times”