Фото: advantour.com

Өзбекстанның мемлекеттік статистика комитетінің мәліметі бойынша, 2017 жылы 1 қаңтарда халық саны 32 миллион 121 мың 100 адам болған. Өзбек ғалымдары мұндай өсімді 2020 жылға таман күткен еді.

2016 жылғы өсім 1,7 пайыз – 545 мың 800 адам. Қалаларда 16 миллионнан астам адам (50,6 пайыз), ал ауылда – 15 миллион 882 мың 600 адам (49,4 пайыз) тұрады.

Өткен жылы 275 мың неке тіркелген, бұл 2015 жылғы көрсеткішке қарағанда 12 мыңға аз. Былтыр 29 мың 400 отбасы ажырасқан. Бұл туралы «Орталық азия хабар тарату қызметі» хабарлайды.

Өзбекстан мемлекетінің жаңа президенті Шавхат Мирзияев билік басына келгелі ауқымды реформаларға қадам жасауда. Тіпті, Орталық Азияда көшбасшы елге айналуға ұмтылуда. Экономика, қорғаныс, өндіріс барлық салада дамуға бетбұрды. Бұл туралы порталымызда жарияларған шағын сараптамада айтылып, мақала әлеуметтік желіде қызу пікірталас тудырған.

"The Qazaq Times"