Mäskeu qalasınıñ "Domodedovo" äuejayı.

Täjikstan men Resey arasındağı äue tasımalı dauı jalğasuda.

Täjikstan äue tasımalı basqarması säuir ayınıñ 3-inen bastap reseylik «Oral äue joldarı» jäne «YUt-Eyr» kompaniyalarınıñ Mäskeu - Duşanbe –Hudjand bağıtındağı 8 reysin qısqartıp tastadı. Olardıñ bwnday qadamdarğa baruına Reseydiñ 2 säuirden bastap Täjikstannıñ «Somon Eyr» jäne «Täjik Eyr» äue kompaniyalarınıñ Mäskeu qalasınıñ Domodedovo äuejayına jasaytın reysteriniñ sanın azaytıp tastauı sebep bolğan. Täjikstan äue tasımalı basqarmasınıñ habarlauınşa, reseylikter «Somon Eyr» men «Täjik Eyrdıñ» 9 reysin qısqartıp tastağan. Osığan deyin täjikstandıq tasımaldauşılar Resey astanasına aptasına 14 ret wşatın bolsa, qazir reyster sanı 5-ke deyin qısqarğan.

Jalpı, soñğı uaqıttarı Resey men Ortalıq Aziya elderi arasında äue tasımalı salasında kelispeuşilikter jii tuındauda. Bwğan deyin Özbekstan Resey äue kompaniyalarınıñ reysin däl osığan wqsas mäsele boyınşa qısqartatının mälimdegen.

“The Qazaq Times”