ماسكەۋ قالاسىنىڭ "دومودەدوۆو" اۋەجايى.

تاجىكستان مەن رەسەي اراسىنداعى اۋە تاسىمالى داۋى جالعاسۋدا.

تاجىكستان اۋە تاسىمالى باسقارماسى ءساۋىر ايىنىڭ 3-ىنەن باستاپ رەسەيلىك «ورال اۋە جولدارى» جانە «يۋت-ەير» كومپانيالارىنىڭ ماسكەۋ - دۋشانبە –حۋدجاند باعىتىنداعى 8 رەيسىن قىسقارتىپ تاستادى. ولاردىڭ بۇنداي قادامدارعا بارۋىنا رەسەيدىڭ 2 ساۋىردەن باستاپ تاجىكستاننىڭ «سومون ەير» جانە «تاجىك ەير» اۋە كومپانيالارىنىڭ ماسكەۋ قالاسىنىڭ دومودەدوۆو اۋەجايىنا جاسايتىن رەيستەرىنىڭ سانىن ازايتىپ تاستاۋى سەبەپ بولعان. تاجىكستان اۋە تاسىمالى باسقارماسىنىڭ حابارلاۋىنشا، رەسەيلىكتەر «سومون ەير» مەن «تاجىك ەيردىڭ» 9 رەيسىن قىسقارتىپ تاستاعان. وسىعان دەيىن تاجىكستاندىق تاسىمالداۋشىلار رەسەي استاناسىنا اپتاسىنا 14 رەت ۇشاتىن بولسا، قازىر رەيستەر سانى 5-كە دەيىن قىسقارعان.

جالپى، سوڭعى ۋاقىتتارى رەسەي مەن ورتالىق ازيا ەلدەرى اراسىندا اۋە تاسىمالى سالاسىندا كەلىسپەۋشىلىكتەر ءجيى تۋىنداۋدا. بۇعان دەيىن وزبەكستان رەسەي اۋە كومپانيالارىنىڭ رەيسىن ءدال وسىعان ۇقساس ماسەلە بويىنشا قىسقارتاتىنىن مالىمدەگەن.

“The Qazaq Times”